Bakı.AzerVoice
Türkiyədə Reklam Şurası aldadıcı reklam fəaliyyətlərinə görə şirkətlərə 5 milyon dollar cərimə tətbiq edib.
AzerVoice xəbər verir ki,Türkiyənin Ticarət Nazirliyindən verilən məlumata görə Reklam Şurası istehlakçıları aldadan reklamlar barədə araşdırma aparıb.
Avqust ayı ərzində aparılan araşdırılmada 138 reklam fəaliyyətindən 128-nin qanunvericiliyə zidd olduğu bildirilib və həmin reklamların dayandırılmasına qərar verilib.Həmçinin sözügedən reklamlar, 5 milyon dollar məbləğində cərimələnib.
Reklam Şurası 8 aylıq müddətdə 1202 reklam fəaliyyəti ilə bağlı araşdırma aparıb.Araşdırma nəticəsində 1055 reklamın qanuna zidd və aldadıcı olduğu məlum olub.Qanunsuz reklamların yayımı dayandırılıb və ümumi olaraq 5 milyon dollara yaxın inzibati cərimə tətbiq edilib.
Reklam zamanı təklif olunan qiymətlə satış zamanı təklif olunan qiymət arasındaki fərq də aldadıcı reklam kimi nəzərə alınıb.Həmçinin turizm sektorunda fəaliyyət göstərən xarici şirkətlərin yanıldıcı qiymət təklifləri də aldadıcı reklam siyahısına daxil edilərək həmin şirkətlərə 483 min dollar məbləğində cərimə tətbiq olunmuşdur.
