Türkiyə Milli Müdafiə Nazirliyi (MSB) Suriyadakı son vəziyyətlə bağlı açıqlama verərək, rəsmi Dəməşqlə təhlükəsizlik və müdafiə sahəsində əməkdaşlığın genişləndirildiyini bəyan edib. Nazirlik mənbələrinin verdiyi məlumata görə, Suriya hökuməti hazırda ölkədə sabitliyin və təhlükəsizliyin təmin olunması məqsədilə bütün dövlət strukturları ilə yenidənqurma səylərini davam etdirir. Bu çərçivədə, xüsusilə DEAŞ kimi terror qruplaşmalarının regiondan təmizlənməsi istiqamətində Suriya hökumətinin tələbləri nəzərə alınır və bu məqsədlə iki ölkə arasında koordinasiyalı fəaliyyətlər həyata keçirilir.

Səudiyyə Ərəbistanının Xarici İşlər Nazirliyi İsrailin Suriya ərazilərinə qarşı həyata keçirdiyi hücumları pisləyib. Bu barədə nazirliyin yaydığı bəyanatda qeyd olunub. "Səudiyyə Ərəbistanı Krallığı İsrailin Suriya ərazisinə davamlı şəkildə həyata keçirdiyi hücumları, o cümlədən Hums və Latakiya vilayətlərində bir neçə əraziyə endirilən hava zərbələrini kəskin şəkildə pisləyir və qınayır. Nazirlik bu addımları beynəlxalq hüququn və Suriya ilə İsrail arasında 1974-cü il Ayrılma Razılaşmasının açıq-aşkar pozuntusu kimi qiymətləndirir" - deyə, bəyanatda bildirilib.

Dəməşq qalasında keçirilən rəsmi mərasimlə Suriya İnkişaf Fondunun fəaliyyətə başladığı elan olunub. AzerVoice xəbər verir ki, tədbirdə ölkə prezidenti Əhməd Əş-Şəra da iştirak edib. Yeni yaradılan fondun əsas məqsədləri, dağıdılmış infrastrukturun bərpası,əhalinin əsas xidmətlərlə təmin olunması və mühüm sahələrin inkişaf etdirilməsidir. Fondun maliyyələşməsi yerli və beynəlxalq ianələr, həmçinin xarici qrantlar hesabına formalaşdırılır. Rəsmi məlumata görə, fəaliyyətə başladığı ilk saat ərzində fonda 55 milyon dollardan artıq vəsait daxil olub. Bu göstərici həm ölkə daxilində, həm də xaricdəki donorların aktiv dəstəyinin nəticəsi kimi qiymətləndirilir.

Türkiyə Milli Müdafiə Nazirliyi (MSB) Suriyada fəaliyyət göstərən Suriya Demokratik Qüvvələrinin (SDQ,PKK-nın Suriya qolu) mövqelərinə dair yeni bəyanat yayıb. Rəsmi açıqlamada vurğulanıb ki, SDQ silahsızlanma və Suriya dövlətinə inteqrasiya ilə bağlı götürdüyü öhdəlikləri yerinə yetirmir. Nazirliyin sözlərinə görə, bu hal həm Suriyanın siyasi birliyi və ərazi bütövlüyünü, həm də Türkiyənin milli təhlükəsizliyini ciddi şəkildə təhdid edir. “SDQ terror təşkilatı Suriya ordusuna inteqrasiya prosesinə əməl etməli, Suriyanın siyasi birliyi və torpaq bütövlüyünə zərər verə biləcək bütün fəaliyyət və açıqlamalardan imtina etməlidir”-deyə MSB-nin bəyanatında xüsusi olaraq qeyd olunub.

Türkiyənin Nəqliyyat və İnfrastruktur naziri Abdulkadir Uraloğlu, Türkiyə ilə Suriya arasında fasiləsiz beynəlxalq quru yol daşımalarının 13 ildən sonra yenidən başladığını bildirib. Uraloğlu verdiyi yazılı açıqlamada Türkiyə ilə Suriya arasındakı quru yolu daşımaları ilə bağlı məlumat verib. Uraloğlu iki ölkə arasında daşımaların bir müddətdir fasiləli şəkildə həyata keçirildiyini xatırladıb.

Nəsiminin Hələbdəki məzarı Türkmən kimliyinin simvoludur. O Nəsiminin Hələbdəki məzarının təkcə bir şəxsin qəbri olmadığını, həm də ortaq Türk-İslam mədəniyyətinin və türkmən kimliyinin canlı bir simvolu olduğunu vurğulayıb. “Harada bir məzar daşımız varsa, orası bizim torpağımızdır. Nəsiminin Hələbdəki məzarı bizə miras və əmanət kimi qalıb. Oradakı insanlar da bu əmanətə sahib çıxır və hər zaman da çıxacaqlar.” - deyə Muxtar Fatih Beydili qeyd edib. Beydili qeyd edir ki, Nəsimi yalnız Azərbaycan ədəbiyyatının deyil, bütövlükdə Türk-İslam dünyasının ortaq dəyərlərindən biridir və onun məzarı Suriyadakı türkmənlər üçün kimlik və mənsubiyyətin konkret bir təcəssümüdür.

İsrail ordusunun, Suriyanın paytaxtı Dəməşqin cənubunda yerləşən Küsve bölgəsindəki Mani dağına həyata keçirdiyi hava hücumları və hava desant əməliyyatı nəticəsində, Suriya ordusunun əsgərlərinin həlak olduğu bildirilib.Suriya dövlət televiziyası Əl-İhbariyyənin məlumatına görə, gecə saatlarında Mani dağı ətrafında əraziyə baxış keçirən Suriya ordu birlikləri müşahidə və dinləmə cihazları aşkarlayıb. Cihazlara müdaxilə edilməyə çalışıldığı anda bölgənin İsrail tərəfindən hava hücumuna məruz qaldığı qeyd olunan xəbərdə, “Hücum nəticəsində bəzi əsgərlər həlak olub, yaralananlar və dağıdılmış texnikalar da var,” – deyə bildirilib.

Suriyada İŞİD terror qruplaşmasının yerli hücrələrinə rəhbərlik edən əsas liderlərindən biri beynəlxalq koalisiya qüvvələrinin keçirdiyi xüsusi əməliyyat nəticəsində məhv edilib. Bu barədə "Əl-İxbariyyə" telekanalı Suriya təhlükəsizlik xidmətindəki mənbəyə istinadən məlumat verib. Mənbənin bildirdiyinə görə, İraq vətəndaşı Salah Numan (ləqəbi Əli), İdlib vilayətinin şimalında yerləşən Atma qəsəbəsində gizlənirdi.

Suriya Prezidenti Əhməd Şara, SDQ adı altında fəaliyyət göstərən terrorçu PKK/YPG ilə 10 Mart Razılaşmasının icrası ilə bağlı danışıqların davam etdiyini bildirib. Şara qeyd edib ki, təşkilat tətbiqə hazır olduqlarını desə də, bəzi texniki detalları tələb edir və sahədəki davranışları ilə rəsmi mövqeləri arasında uyğunsuzluq var. Prezident Şəraa bu açıqlamaları Şamda, Muhacirin Sarayında İdlibdən olan siyasətçilər, alimlər və ictimai şəxslərlə keçirdiyi görüşdə verib. O bildirib ki, “SDQ tətbiqə hazır olduqlarını söyləyir, lakin mediada və danışıqlarda ifadə edilən mövqe ilə ərazidəki davranışları arasında ziddiyyət var.” - deyə Şəraa qeyd edib.

Suriyanın şimalındakı İdlib vilayətində səbəbi hələ müəyyən edilməmiş partlayışlar nəticəsində 2 mülki şəxs həyatını itirib. Suriya dövlət televiziyası Əl-İhbariyyə, İdlib ətrafında güclü partlayış səslərinin eşidildiyini bildirib. Partlayışların mənbəyi və xarakteri müəyyənləşdirilməyə çalışılır. Hadisə yerinə yanğınsöndürən və təcili tibbi yardım qrupları göndərilib.

Türkiyə Milli Müdafiə Nazirliyi (MMN) mənbələri bildiriblər ki, Suriya Demokratik Qüvvələri (SDQ) 2025-ci il martın 10-da Suriya hökuməti ilə imzalanmış razılaşmanın şərtlərinə əməl etmir və separatçı ritorika ilə prosesi pozur. Mənbələr qeyd edib ki, SDQ-nin avqustun 8-də Həsəkədə keçirilən konfransda səsləndirdiyi açıqlamalar razılaşmanın prinsiplərinə ziddir. “Terror təşkilatı SDQ-nin təxribatçı və bölücü davranışları Suriyanın siyasi birliyini və ərazi bütövlüyünü pozur. Suriya hökuməti isə bütün etnik, dini və məzhəb fərqlərinə son qoymağı hədəfləyən əhatəli yanaşma nümayiş etdirir.” - deyə bildirilib.

Türkiyənin Milli Müdafiə Naziri Yaşar Güler, rəsmi səfərlə Ankaraya gələn Suriya Müdafiə Naziri Murhef Əbu Kasra, Xarici İşlər Naziri Əsəd Həsən Şeybani və Ümumi Kəşfiyyat İdarəsinin rəhbəri Hüseyn əl-Səlimə ilə bir araya gəlib. Milli Müdafiə Nazirliyinin sosial media hesabında yayılan məlumata görə, görüş Milli Müdafiə Nazirliyinin binasında baş tutub və ikitərəfli, həmçinin regional müdafiə və təhlükəsizlik məsələləri müzakirə olunub.