Türkiyə ilə İtaliya arasında müdafiə sənayesi sahəsində əməkdaşlığın Bayraktar TB3 və KIZILELMA pilotsuz uçuş aparatlarına qədər genişlənməsi Yunanıstan mətbuatında narahatlıqla qarşılanıb. Yunanıstanın “Naftemporiki”, “Enikos” və “SLpress” nəşrləri Baykar ilə İtaliyanın Leonardo şirkəti arasındakı əməkdaşlığın Türkiyənin Avropa müdafiə sənayesində təsirini artırdığını yazıb.