Kral Əbdüləziz Universiteti Baş Nəqliyyat İdarəsi ilə tərəfdaşlıq çərçivəsində Səudiyyə Ərəbistanında və Körfəz regionunda ilk dəfə dəmir yolu nəqliyyatı üzrə ixtisaslaşdırılmış bakalavr proqramlarına başlayıb. Yeni tədris proqramı çərçivəsində tələbələrə iki əsas istiqamət təklif olunur: dəmir yolu mühəndisliyi və planlaşdırılması, habelə logistika idarəetməsi və dəmir yolu nəqliyyatı xidmətləri. Hər iki ixtisas ölkənin nəqliyyat və əmək bazarının real ehtiyaclarına uyğunlaşdırılıb.

Dəmir yolu xidmətləri birinci rübdə 45 milyondan, ikinci rübdə isə 38 milyondan çox sərnişin daşıyıb. Müqayisə üçün qeyd edək ki, 2025-ci ilin müvafiq rüblərində bu göstəricilər uyğun olaraq 35 milyondan və 36.5 milyondan çox olmuşdu. Açıqlanan rəqəmlər göstərir ki, Səudiyyə dəmir yolları 2026-cı ilin ilk altı ayında ötən ilin eyni dövrü ilə müqayisədə ən azı 11.5 milyon nəfər çox sərnişin daşınmasını həyata keçirib.