Ərəb Dövlətləri Liqasının baş katibi Nabil Fəhmi husilərin Səudiyyə Ərəbistanının Nəcran bölgəsinə və Yəmənin Mərib və Hədrəmaut vilayətlərində hökumət qüvvələrinə qarşı hücumlarını pisləyib. O bildirib ki, bu hücumlar regionun təhlükəsizliyi və sabitliyini təhdid edir, gərginliyin azaldılması imkanlarını zəiflədir. Ərəb Liqası Səudiyyə Ərəbistanı ilə həmrəy olduğunu bəyan edərək hücumların dayandırılmasına və siyasi dialoqa qayıdılmasına çağırıb.

ABŞ-ın Yəməndəki səfirliyi husilərin Mərib və Hədrəmautdakı hücumlarını "qorxaq hücumlar" adlandıraraq pisləyib. Diplomatik missiya həlak olan Yəmən hərbçilərinin ailələrinə başsağlığı verib və bu hücumları Yəmən xalqına qarşı terrorun növbəti nümunəsi kimi qiymətləndirib. Səfirlik bildirib ki, belə hücumlar ölkədə sabitliyin bərpasına yönəlmiş səylərə zərbə vurur. Hadisə ilə bağlı əlavə təfərrüatlar açıqlanmayıb.

Husilər Mərib və Hədrəmaut vilayətlərində yerləşən Yəmənin Fövqəladə Hallar Qüvvələrinin düşərgələrinə ballistik raketlər və PUA-larla hücum etdiklərini təsdiqləyiblər. Hərəkat hərbi obyektlərin, silah anbarlarının və texnikanın məhv edildiyini iddia edir. Yəmən hökumət qüvvələri insan itkisi və maddi ziyanı təsdiqləsə də, husilərin açıqladığı nəticələrə münasibət bildirməyib. Yerli media hücumlarda onlarla insanın öldüyünü xəbər verir.

Yəmənin Mərib və Hədrəmaut vilayətlərində yerləşən Fövqəladə Hallar Qüvvələrinin düşərgələrinə edilən ehtimal olunan husi hücumu nəticəsində azı 30 nəfər ölüb, bir neçə nəfər yaralanıb. Yerli KİV raket və PUA-larla həyata keçirildiyi bildirilən hücumların ciddi maddi ziyana da səbəb olduğunu yazır. Husilər hadisə ilə bağlı hələlik açıqlama verməyib. Hücum Yəməndə son həftələr yenidən artan hərbi gərginlik fonunda baş verib.

Yəmənin beynəlxalq səviyyədə tanınan hökumətinin Fövqəladə Hallar Qüvvələri Mərib və Hədrəmautdakı düşərgələrinə raket və PUA hücumu edildiyini açıqlayıb. Hücumların husilər tərəfindən həyata keçirildiyi ehtimal olunur. Hadisə nəticəsində çoxsaylı ölən və yaralananların olduğu, həmçinin ciddi maddi ziyanın dəydiyi bildirilir. Yəməndə 2022-ci ildən davam edən nisbi sakitliyə baxmayaraq, son həftələr döyüşlər yenidən intensivləşib.