BƏƏ-nin Füceyrə limanı yaxınlığında bir gəminin naməlum mərmi ilə vurulduğu bildirilib. Hadisə Dibba şəhərindən 17 dəniz mili aralıda baş verib. UKMTO gəminin idarəetmə sisteminin zədələndiyini açıqlayıb. Heyət üzvlərinin təhlükəsiz olduğu bildirilib. Hücumun kim tərəfindən həyata keçirildiyi məlum deyil. Hadisə bölgədə dəniz təhlükəsizliyi ilə bağlı narahatlıqların artdığı bir vaxtda baş verib. Hörmüz boğazı ətrafında gərginlik davam edir.