İran Bəndər Abbas şəhəri yaxınlığında ABŞ-a məxsus olduğu bildirilən pilotsuz uçuş aparatını vurduğunu açıqlayıb. Məlumatı İranın dövlətə məxsus Fars xəbər agentliyi yayıb. Bildirilir ki, vurulan aparat ABŞ istehsalı olan LUKAS pilotsuz uçuş aparatı olub. Agentlik həmçinin Hörmüzgan vilayətində 20-dən çox düşmən pilotsuz uçuş aparatının məhv edildiyini iddia edir. İran hadisə ilə bağlı əlavə sübut və ya görüntü təqdim etməyib. ABŞ isə bu iddialara hələlik rəsmi münasibət açıqlamayıb. Məlumat müstəqil mənbələr tərəfindən təsdiqlənməyib. Bölgədə hərbi gərginlik yüksək səviyyədə qalmaqda davam edir.