Şahzadə Harri rəsmi tədbirlərdə iştirak etmək üçün Böyük Britaniyaya gəlib. O, səfərə həyat yoldaşı Meqan Markl və övladları olmadan yollanıb. Məlumata görə, Şahzadə Harri bu dəfə Bukinqem Sarayında qalmayacaq. Bildirilir ki, buna səbəb saraydan göndərilən dəvəti vaxtında qəbul etməməsi olub. Kral ailəsinə yaxın mənbələr bu hadisənin III Çarlz ilə Şahzadə Harri arasında münasibətlərin hələ də gərgin olduğunu göstərdiyini bildirirlər. Son illərdə ata və oğul arasında münasibətlər tez-tez ictimai müzakirə mövzusu olub. Şahzadə Harrinin səfəri çərçivəsində bir sıra rəsmi görüşlərdə iştirakı gözlənilir. Kral ailəsi ilə münasibətlərin inkişafı isə diqqətlə izlənilir.