İsrail ordusunun nümayəndəsi Ella Vaviya Livanın İsrail üçün düşmən olmadığını bəyan edib. O bildirib ki, əsas problem Hizbullah təşkilatıdır. Vaviya Hizbullahı Livanı davamlı qarşıdurmalara sürükləməkdə ittiham edib. Onun sözlərinə görə, təşkilat razılaşmalara əməl etsə, bölgədə sabitlik əldə oluna bilər. İsrail rəsmisi Livanın inkişaf və rifah üçün alternativ yol seçə biləcəyini də vurğulayıb. Açıqlama İsrail və Hizbullah arasında atəşkəsin qüvvəyə minməsindən sonra verilib. Bununla yanaşı, Livanın cənubunda yeni hücumlar nəticəsində insan itkilərinin olduğu bildirilir. Bölgədə vəziyyət gərgin olaraq qalır.