ABŞ Livan rəsmilərinə və Hizbullahla əlaqəli şəxslərə sanksiyalar tətbiq edib. Bu qərar ABŞ Maliyyə Nazirliyi tərəfindən elan olunub. Sanksiyalar biznes şəbəkəsi ilə bağlı şəxsləri də əhatə edir. ABŞ onların Hizbullahı maliyyələşdirdiyini iddia edir. Addım Livanda sülh prosesinə təsir edən faktor kimi qiymətləndirilir. Suriya, İraq və Omanda da bəzi şəxslər siyahıya salınıb. ABŞ onların “örtülü şirkətlər” vasitəsilə fəaliyyət göstərdiyini bildirir. Regionda gərginlik davam edir.

ABŞ Maliyyə Naziri Skott Bessent bildirib ki, İranın Körfəzdəki hərəkətləri iqtisadi və maliyyə baxımından nəticələr doğuracaq. Bessent vurğulayıb ki, hər hansı düşmən hərəkətlər Tehranın aktivlərinə sanksiyalarla cavablandırılacaq. O bildirib ki, İran rejimi sıfır-sum oyununu uduzacaq. Körfəzdə müttəfiqlərə dəyən ziyan dondurulmuş hesablar vasitəsilə kompensasiya olunacaq. Fars körfəzi boğazı üçün ödənilən rüsumlar da eyni qaydada ödəniləcək. İranın Qəribabadi açıqlamasında region ölkələrinin ödəniş tələb etmək imkanının olmadığı qeyd olunub. ABŞ-ın dondurulmuş aktivləri istifadə etməsi müzakirə olunur. Bu xəbər İran və ABŞ arasındakı maliyyə və diplomatik gərginliyi göstərir.

ABŞ Administrasiyası İranın enerji və bank sektoruna yeni sanksiyalar tətbiq edib. Sanksiyalar bir neçə qurum, fiziki şəxs və tankerə şamil edilir və İran mənşəli maye qazın Cənubi və Şərqi Asiyada daşınmasını təşkil edən şəbəkəni hədəfləyir. ABŞ Maliyyə Nazirliyi bildirib ki, LPG qazı qəsdən Oman mənşəli qaz kimi göstərilib. 12 qurum, altı gəmi və İranın mübadilə evi Mehrdad Geramian Nik and Partners Company bu sanksiyalara daxil edilib. Sanksiyalar İranın beynəlxalq enerji və maliyyə əməliyyatlarına ciddi təsir göstərməyi və iqtisadi təzyiq yaratmağı hədəfləyir. Bu addımlar regionda və qlobal enerji bazarında potensial təsirləri ilə diqqət çəkir.

Xalıq Qəhrəman oğlu Rəhmanov Azərbaycan Respublikası Maliyyə Nazirliyinin Aparatının rəhbəri təyin olunub.X.Rəhmanov 1963-cü ildə anadan olub, Bakı Dövlət Universitetinin Hüquq fakültəsini bitirib. 1981-1992-ci illərdə Bakı şəhər İcra Hakimiyyətinin tabeli təşkilatlarında müxtəlif vəzifələrdə, 1992-2000-ci illərdə Dövlət Əmlak Komitəsinin Hüquq idarəsində aparıcı hüquqşünas, baş mütəxəssis və şöbə rəisi, 2000-2025-ci illərdə Maliyyə Nazirliyində Hüquq şöbəsinin rəisi, Hüquq İdarəsinin rəisi və Nazirliyin Aparatının rəhbərinin müavini vəzifələrində çalışıb. X.Rəhmanov 2012-ci ildə Azərbaycan Respublikası Prezidentinin Sərəncamı ilə "Dövlət qulluğunda fərqlənməyə görə" medalı ilə təltif olunub.

Aprelin 8-də Azərbaycan Respublikasının maliyyə naziri, Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın həmsədri Sahil Babayev ölkəmizdə səfərdə olan Serbiya Respublikasının mədən və energetika naziri xanım Dubravka Djedoviç Handanoviçin rəhbərlik etdiyi nümayəndə heyəti ilə görüşüb.

Azərbaycan Respublikası Maliyyə Nazirliyi büdcə proseslərində ictimaiyyətin daha geniş iştirakının təmin edilməsi, şəffaflığın və operativliyin artırılması, vahid informasiya bazasının formalaşdırılması, habelə büdcə proseslərində rəqəmsal həllərin tətbiqini genişləndirmək məqsədilə “e-budget.maliyye.gov.az” (Elektron Büdcə Bələdçisi) portalını istifadəyə verib.

Azərbaycan Respublikasının Maliyyə Nazirliyinin kollektivi faciə qurbanlarının xatirəsinə ucaldılmış “Ana harayı” abidəsini ziyarət edib. Qeyd olunub ki, Xocalı soyqırımı insanlıq tarixinin ən dəhşətli və faciəli səhifələrindən biri kimi yadda qalıb. 1992-ci il fevralın 25-dən 26-na keçən gecə erməni silahlı dəstələri keçmiş sovet ordusunun Xankəndi şəhərində yerləşən 366-cı alayının iştirakı ilə Xocalı şəhərini dağıdaraq dinc əhaliyə qarşı kütləvi qırğın törədib.

Fevralın 25-də Azərbaycan Respublikasının maliyyə nazirinin birinci müavini Anar Kərimov Avropa Yenidənqurma və İnkişaf Bankının (AYİB) Azərbaycandakı Daimi Nümayəndəliyinin rəhbəri xanım Natali Mouravidzenin rəhbərlik etdiyi nümayəndə heyəti ilə görüşüb.

Maliyyə nazirinin birinci müavini Anar Kərimov yeni vəzifəyə təyin edilib. Qərara əsasən, “Aqrarkredit” Qapalı Səhmdar Cəmiyyəti Bank olmayan Kredit Təşkilatı tərəfindən “Azərbaycan Beynəlxalq Bankı” Açıq Səhmdar Cəmiyyətindən alınmış problemli aktivlərin əvəzində mövcud qanunvericiliyə uyğun olaraq əldə edilmiş və balansında olan, balans dəyəri 1 milyon manatdan çox olan əmlakların, yerli və xarici aktivlərin və ya onlar üzrə borcların tələb hüquqlarının satılması və kənar idarəçilərə idarəetməyə verilməsi üzrə Müsabiqə Komissiyasının sədri vəzifəsinə maliyyə nazirinin birinci müavini Anar Kərimov təyin edilib.

Azərbaycan Respublikası Prezidentinin 2025-ci il 29 dekabr tarixli 570 nömrəli Fərmanına əsasən Maliyyə Nazirliyi yanında Dövlət Müəssisələrinin Monitorinqi Agentliyi cari ilin aprel ayından başlayaraq dövlət şirkətlərinin və publik hüquqi şəxslərin büdcə layihələri və proqnozlarının, həmçinin büdcələrinin monitorinqini həyata keçirəcək və icra göstəricilərini təhlil edəcək.

“Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın 2025-ci il üzrə icrasına dair illik hesabat layihəsinin müzakirəsi məqsədilə “Yaşıl enerji məkanı” İşçi qrupunun hibrid formada növbəti iclası keçirilib.

Fevralın 4-də Azərbaycan Respublikasının maliyyə naziri Sahil Babayev ölkəmizdə səfərdə olan Beynəlxalq Valyuta Fondunda (BVF) Azərbaycanın daxil olduğu Seçki Qrupu üzrə İcraçı direktor Patrik Loşevski və Fondun Azərbaycan üzrə missiya rəhbəri xanım Anna Bordonun rəhbərlik etdiyi nümayəndə heyəti ilə görüşüb.