Türkiyə Xarici İşlər Nazirliyi İsrail tərəfindən Yunanıstan sahilləri yaxınlığında saxlanılan Beynəlxalq Azadlıq donanmasına qatılan 59 nəfərin, o cümlədən 20 Türkiyə vətəndaşının yaxın saatlarda İstanbula gətiriləcəyini açıqlayıb.

Qəzzaya humanitar yardım aparan “Azadlıq” donanmasının iki aparıcı aktivisti İsrail tərəfindən saxlanılaraq ölkəyə aparılıb. İsrail rəsmilərinin açıqlamasına görə, beynəlxalq sularda saxlanılan donanmanın rəhbərlərindən olan fələstin əsilli İspaniya vətəndaşı Səif Əbukəşək və Braziliya vətəndaşı Tiaqo Avila sorğu-sual üçün İsrailə gətirilir.

Qəzzaya humanitar yardım aparan “Azadlıq” donanmasının iştirakçıları İsrailin müdaxiləsindən sonra Yunanıstana məxsus Girit adasına çıxarılıb. İsrail hərbi qüvvələri beynəlxalq sularda humanitar missiya ilə hərəkət edən Beynəlxalq Azadlıq donanmasının gəmilərinə müdaxilə edərək aktivistləri nəzarətə götürüb.