Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyi (UNRWA) yaxın həftələrdə Türkiyədə ofis açmağı planlaşdırır. UNRWA-nın baş komissarı Filipp Lazzarini Ankarada keçirdiyi mətbuat konfransında bildirib ki, agentlik Türkiyə hökuməti ilə ofisin açılması ilə bağlı yekun sazişi imzalayıb. Onun sözlərinə görə, UNRWA-nın Türkiyədə daimi nümayəndəliyinin yaradılması agentlik üçün mühüm addımdır.