Türkiyədə yeni yanğın qeydə alınıb. Yanğın İstanbul şəhərinin Çatalca rayonunda baş verib. Hadisə yerinə yanğınsöndürmə və polis qüvvələri cəlb olunub.

Kozaağacı yaylasının Kabaağaç ərazisindəki meşədə hələlik səbəbi məlum olmayan yanğın nəticəsində tüstü qalxıb. Bölgəyə dərhal Bozyazı Meşə Əməliyyat Müdirliyinin personalı, jandarma qrupları, yanğınsöndürmə vertolyotu və su maşınları göndərilib. Havadan və yerdən aparılan müdaxilələrlə yanğının nəzarət altına alınması üçün işlər davam etdirilir.

Leon, Ourense, Navarra və Avila bölgələrində 1,5 gündür yanan yanğınların nəzarət altına alınması ilə dünən gecə ehtiyat tədbiri olaraq təxliyə edilən 1500-dən çox insanın evlərinə qayıtmasına icazə verilib. Yerli hakimiyyət orqanları və Mülki Müdafiə qruplarının məlumatına görə, ən çətin vəziyyət Leon şəhəri ətrafında beş fərqli nöqtədə davam edən yanğınlardır. Hərbi Fövqəladə Hallara Müdaxilə Qrupu (UME) da söndürmə işlərinə dəstək verir. Bəzi yaşayış məntəqələrində 50-yə qədər insanın hələ də evlərinə qayıtmasına icazə verilməyib, bəzi yollar isə bağlıdır.

Türkiyənin Çanakkale vilayətində yanğın qeydə alınıb. Yanğın Çanakkalenin Lapseki rayonuna bağlı Umurbey qəsəbəsində kənd təsərrüfatı sahəsində baş verib. Əsasən meyvə bağlarının yerləşdiyi sahədə alov, küləyin təsiri ilə sürətlə yayılıb.

Sarıcaeli kəndində hələ məlum olmayan səbəbdən başlayan yanğın küləyin təsiri ilə sürətlə yayılıb. Hadisə yerinə cəlb olunan yanğınsöndürmə qrupları alovları nəzarət altına almaq üçün havadan və qurudan əməliyyatlar həyata keçirir. Yanğınsöndürən təyyarələrin manevr imkanlarını artırmaq üçün Çanaqqala boğazı şimaldan cənuba bir istiqamətdə gəmiçiliyə bağlanıb.

JAMA Network Open tibb jurnalında dərc edilən araşdırmaya əsasən, Los-Anceles yanğınları zamanı ölüm halları əvvəlki illərlə müqayisədə 7 faiz artıb. Ölüm səbəbləri arasında birbaşa ağciyər və ürək xəstəlikləri, həmçinin səhiyyə xidmətlərinin pozulması nəticəsində müalicənin gecikməsi – dializ və xərçəng kimi xəstəliklərə aid dolayı təsirlər yer alır.

Bolqarıstanın Haskovo vilayətində baş verən yanğın iki gündür davam edir və atılan siqaret kötüyünün səbəb olduğu bildirilir. Qubernator Stefka Zdravkova mətbuata verdiyi açıqlamada, güclü və isti küləyin yanğınla mübarizə səylərinə mənfi təsir göstərdiyini bildirib. Yanğın beynəlxalq Meriç şossesini keçərək, yolun bir hissəsinin müvəqqəti bağlanmasına səbəb olub.

Kanada, ölkə üzrə təxminən 6.9 milyon hektar ərazinin kül olduğu, son illərin ən şiddətli meşə yanğınlarından biri ilə mübarizə aparır. Kanadanın Təbii Sərvətlər Nazirliyi və Qurumlararası Meşə Yanğınları Mərkəzi (CIFFC) ölkədəki meşə yanğınlarına dair son məlumatları açıqlayıb. Buna görə, əsasən Britaniya Kolumbiyası, Alberta və Saskaçevan əyalətlərində olmaqla, ölkə üzrə təxminən 740 meşə yanğını aktiv vəziyyətdədir.

Fransanın cənubundakı Aude bölgəsində başlayan meşə yanğını 39,5 min hektardan çox ərazini məhv edib. İspaniya sərhədi yaxınlığında alovlanan yanğın Paris şəhərinin ümumi sahəsindən böyük əraziyə yayılıb. Hadisə nəticəsində azı bir nəfər həlak olub, 13 nəfər yaralanıb, üç nəfər isə itkin düşüb. Fransanın baş naziri Fransua Bayru yanğını “görünməmiş miqyaslı fəlakət” adlandırıb. Alovların söndürülməsinə 2100-dən çox yanğınsöndürən və bir neçə xüsusi təyyarə cəlb olunub. Cümə axşamından etibarən əraziyə hərbi qüvvələr də yerləşdiriləcək.

Tokatda baş verən meşə yanğınının nəzarət altına alınması üçün işlər davam etdirilir. Məlumata görə, yanğının səbəbi hələ məlum deyil. Külək nəticəsində yanğın sürətlə yayılıb.

İspaniyanın cənubundakı Kadis şəhərinə bağlı məşhur turizm bölgəsi Tarifada iki gündür davam edən meşə yanğınları səbəbindən 1500-dən çox insan evlərindən və ya otellərdən təxliyə olunub. Endülüs muxtar bölgəsinin Daxili İşlər, Sosial Dialoq və Dövlət İdarəçiliyi naziri Antonio Sanz bildirib ki, Tarifada yerləşən "Torre la Pena II" düşərgə zonasından başlanan və sürətlə yayılan yanğınlara görə 1500-dən çox insan təxliyə edilib, 5 minə yaxın nəqliyyat vasitəsi ərazidən uzaqlaşdırılıb.

Hadisə nəticəsində bir nəfər həyatını itirib, doqquz nəfər, o cümlədən yeddi yanğınsöndürən xəsarət alıb. Təxminən 2000 yanğınsöndürən, iki təyyarə və dörd helikopter yanğının qarşısını almağa çalışır. Onlarla yaşayış məntəqəsi təxliyə olunub, bəzi yollar nəqliyyat üçün bağlanıb. İlkin ehtimallara görə, yanğının insan səhvi nəticəsində başladığı güman edilir.