2024-cü ilin sonunda Suriyada Əsəd rejiminin süqutundan sonra Dəməşq və Vaşinqton arasında baş verənlər sadəcə münasibətlərin yaxşılaşması deyil, onilliklər boyu davam edən modeldən tamamilə fərqli yeni bir mərhələyə kəskin keçid idi. Bu yeni mərhələ artıq nəzarət və sanksiyalar deyil, yeni təşəbbüslər və koordinasiya üzərində qurulub. Lakin bu keçid sürətli olsa da, sabit deyil və tərəflərdən daha geniş olan mürəkkəb faktorların təsiri altında davamlı sınaqdan keçir.

Suriya bu ilin əvvəlindən etibarən istər şimal-şərqdə, istərsə də sahil və cənub bölgələrində daxili iğtişaşlar mərhələsindən nisbi sakitlik və yeni təhlükəsizlik-siyasi strukturun qurulması mərhələsinə qədər bir yol keçib. Bu strukturun əsas cizgiləri təhlükəsizlik dosyesində və "Suriya Demokratik Qüvvələri" (SDQ) ilə əldə olunan razılaşmada özünü büruzə verib. Lakin bu dəyişikliklər Suriyanı bir çox sosial mühitdə və coğrafi nöqtədə "İŞİD" (DAEŞ) terror təşkilatı ilə gizli bir yarışın ortasına atıb. "İŞİD" son zamanlar təhlükəsizlik nəzarətinin tam bərpa olunmamasından istifadə edərək yenidən ayaq tutmağa çalışan qeyri-sabitlik amili kimi ön plana çıxıb. Təşkilat hələ də fevralın ortalarından intensivləşən, martın ilk həftəsində bir qədər səngiyən, lakin sonradan yenidən aktivləşən hücum ritorikası və hədəfə alınmış əməliyyatlarla ideoloji və meydan boşluqlarından yararlanmağa çalışır.

Türkiyə Milli Müdafiə Nazirliyi Suriyada son vəziyyətlə bağlı açıqlama yayıb. Nazirlikdə keçirilən həftəlik brifinqdə bildirilib ki, 30 yanvar tarixində Suriya hökuməti ilə SDQ arasında imzalanmış razılaşmanın icrası sahədə yaxından izlənilir. “Suriya Hökuməti ilə SDQ arasında 30 yanvarda imzalanan razılaşmanın tətbiqini sahədə diqqətlə izləməyə davam edirik.” - deyə rəsmi açıqlamada qeyd olunub.

Suriya hökuməti ilə SDQ arasında elan edilən atəşkəsin müddətinin uzadılması ilə bağlı razılaşma əldə olunduğu bildirilir. Məlumata əsasən, atəşkəsin uzadılması qərarı bölgədə təhlükəsizlik və humanitar məsələlərlə bağlı proseslərin daha nəzarətli şəkildə aparılması məqsədi daşıyır. Xüsusilə, İŞİD üzvlərinin saxlanıldığı düşərgə və həbsxanalardan İraqa köçürülməsi prosesinin təhlükəsiz şəkildə həyata keçirilməsi bu qərarın əsas səbəblərindən biri kimi göstərilir.

Suriya Daxili İşlər Nazirliyi Rəqqə vilayətində terror təşkilatı YPG/SDG-nin nəzarətində olan Aktan həbsxanasının rəsmən təhvil alındığını bildirib. Nazirliyin yaydığı yazılı bəyanatda qeyd olunub ki, qurumun tabeliyindəki Həbsxanalar və İslah İdarəsi sözügedən müəssisədə fəaliyyətə başlayaraq orada saxlanılan şəxslərlə bağlı hərtərəfli araşdırmalara start verib. Hazırda hər bir məhbusun şəxsi işi yoxlanılır və bütün tutulanlara qarşı qanuni prosedurların tətbiqi təmin edilir.

Türkiyənin təhlükəsizlik mənbələri Suriyanın şimalındakı hərbi və diplomatik dəyişiklikləri təhlil edərək terror təşkilatı PKK-nın Suriya qolu olan SDQ-nin tamamilə zəiflədiyini bəyan edib. təhlükəsizlik qaynaqları SDQ-nin nəzarət etdiyi ərazilərin böyük hissəsini itirdiyini və artıq beynəlxalq diplomatiyada korumasız qaldığını vurğulayıb. Məlumata görə terror təşkilatı El-Hol düşərgəsindən geri çəkilib və Həsəkəni İraqa bağlayan strateji Yarubiyə sərhəd keçid məntəqəsi Suriya ordusunun nəzarətinə keçib. Bu inkişaf SDQ ilə İraqdakı Qəndil kadrları arasındakı logistik və strateji bağı tamamilə qırıb. Eyni zamanda Karakozak körpüsü ətrafı və Süleyman Şah türbəsinin yerləşdiyi bölgə də terrorçulardan təmizlənib.

Türkiyənin ədliyyə naziri Yılmaz Tunç dövlət bayrağına qarşı törədilən hücumla bağlı aparılan istintaqın davam etdiyini və indiyədək 14 nəfərin saxlanıldığını açıqlayıb. AK Partiyanın Türkiyə Böyük Millət Məclisində (TBMM) keçirilən qrup toplantısında iştirak edən nazir Tunç toplantıdan öncə jurnalistlərə açıqlama verib. O bildirib ki, hazırda 105 nəfər barəsində saxlanılma qərarı, 50 nəfər barəsində isə axtarış (tutma) qərarı mövcuddur.

Suriya ordusu Hələb vilayətində hökumət qüvvələri ilə kürdlərin rəhbərlik etdiyi qruplaşmalar arasında gərginliyin artması səbəbindən mülki şəxslərin ərazini tərk etməsi üçün humanitar dəhliz açacağını elan edib. ordunun rəsmi bəyanatına əsasən, mülki əhali cümə axşamı saat 09.00-dan 17.00-dək açılacaq dəhliz vasitəsilə təhlükəsiz bölgələrə keçə biləcək. Bu addım ordunun Hələb şəhərindən təxminən 60 kilometr şərqdə yerləşən Deyr Hafir və Məskənə qəsəbələrində genişmiqyaslı hərbi əməliyyatlara başlamağa hazırlaşdığının siqnalı kimi qiymətləndirilir. Suriya hərbçiləri Suriya Demokratik Qüvvələrini (SDG) və digər silahlı qrupları Fərat çayının şərqinə çəkilməyə çağırıb.

Suriya hökumət qüvvələri ilə kürdlərin rəhbərlik etdiyi Suriya Demokratik Qüvvələri (SDG) arasında Hələb vilayətinin şərqində qarşılıqlı atəş açılması bölgədə gərginliyi pik həddə çatdırıb. Suriya ordusunun Hələbin şərqindəki bəzi əraziləri "qapalı hərbi zona" elan etməsindən sonra tərəflər arasında toqquşmalar başlayıb. SDG-nin bəyanatına görə, hökumət qüvvələri Deyr Hafir rayonunu artilleriya və raket atəşinə tutub, həmçinin partlayıcı yüklü dronlardan istifadə edib. Suriya dövlət televiziyası isə cavab olaraq SDG-nin Homeima kəndini dronlarla hədəf aldığını bildirib.

Suriya ordusu ölkədə Suriya Demokratik Qüvvələri (SDQ) adı altında fəaliyyət göstərən PKK/YPG terror təşkilatına məxsus Hələb şəhərindəki Şeyx Maksud və Əşrəfiyyə məhəllələrində yerləşən bütün mövqelərin qanuni hədəf elan edildiyini açıqlayıb. Bu qərar PKK/YPG-nin Hələb şəhərinin müxtəlif məhəllələrinə və mülki əhaliyə qarşı çoxsaylı hücumlar həyata keçirməsi səbəbilə qəbul edilib. Əməliyyatlar Komandanlığı Şeyx Maksud və Əşrəfiyyə məhəllələrində yaşayan mülki şəxslərə PKK/YPG-yə aid mövqelərdən dərhal uzaq durmaq çağırışı edib. Mülki əhalinin təhlükəsizliyini təmin etmək məqsədilə bölgədə iki humanitar təhlükəsiz keçid dəhlizinin açıldığı bildirilib.

Suriya Ərəb Xəbər Agentliyinin (SANA) yaydığı məlumata görə, Hələb şəhərində Suriya Demokratik Qüvvələri (SDQ) tərəfindən pilotsuz uçuş aparatları (PUA) ilə həyata keçirilən hücum nəticəsində Suriya ordusunun bir hərbçisi həlak olub, bir neçə hərbçi isə yaralanıb. Məlumata əsasən, hücum Hələbin Şeyx Məqsud məhəlləsi ətrafında Suriya ordusunun mövqelərinin yerləşdiyi ərazilərə yönəlib. Bildirilir ki, SDQ qüvvələri həmin mövqeləri pilotsuz uçuş aparatları vasitəsilə hədəfə alıb.

Suriyada SDQ adından istifadə edən YPG/PKK terror təşkilatının Hələb şəhərində nəzarət-buraxılış məntəqəsinə təşkil etdiyi silahlı hücum nəticəsində bir daxili təhlükəsizlik əməkdaşı yaralanıb. Yerli mənbələrdən əldə edilən məlumata görə, YPG/PKK terror təşkilatı Hələbin Şihan bölgəsində Suriya daxili təhlükəsizlik qüvvələrinə məxsus nöqtəyə silahlı hücum həyata keçirib. Hücum zamanı bir daxili təhlükəsizlik əməkdaşı yaralanıb.