Türkiyə Prezidenti Rəcəb Tayyib Ərdoğan, Birləşmiş Ştatlardakı səfəri çərçivəsində Türk-Amerikan Milli İdarəetmə Komitəsi (TASC) tərəfindən təşkil olunan tədbirdə çıxış edib. Ərdoğan çıxışında FETÖ terror təşkilatına da diqqət çəkərək, başçısının ölümündən sonra qurum daxilində parçalanmanın daha da sürətləndiyini bildirib.

Türkiyənin daxili işlər naziri Ali Yerlikaya son 10 gündə ölkənin 29 şəhərində FETÖ terror təşkilatına qarşı aparılan əməliyyatlar zamanı 49 şübhəlinin saxlanıldığını, onlardan 39 nəfərinin həbs edildiyini açıqlayıb. Nazir Yerlikaya bu barədə sosial media hesabında məlumat verib. Onun sözlərinə görə, İstanbul, İzmir və Ankara da daxil olmaqla bir çox şəhərdə jandarma qüvvələri tərəfindən koordinasiyalı əməliyyatlar həyata keçirilib. Saxlanılan şəxslər sosial media üzərindən FETÖ təbliğatı aparmaq, təşkilatın hazırkı strukturlarında fəal iştirak etmək, ankesorlu telefonlarla əlaqə yaratmaq və terror təşkilatı ilə əlaqəli saxta yardım qurumlarına maliyyə dəstəyi vermək kimi ittihamlarla axtarılırdı.

Azərbaycan Xarici İşlər Nazirliyinin sosial şəbəkə hesabında Türkiyənin Demokratiya və Milli Birlik Günü münasibətilə paylaşım edilib.