BAKI,AzerVoice
Noyabrın 20-də Dini Qurumlarla İş üzrə Dövlət Komitəsinin təşkilatçılığı ilə Sabirabadda “Dinin siyasiləşməsi və məzhəbçilik: milli kimliyə yönəlmiş təhdid kimi” mövzusunda regional konfrans keçiriləcək.
AzerVoice xəbər verir ki, tədbirdə Dini Qurumlarla İş üzrə Dövlət Komitəsi və Sabirabad Rayon İcra Hakimiyyətinin rəhbərliyi, hüquq-mühafizə orqanlarının nümayəndələri, ilahiyyatçılar, həmçinin din xadimləri, dini icma sədrləri iştirak edəcəklər.
Konfransda dinin siyasi məqsədlər üçün alətə çevrilməsi və bunun doğurduğu risklər, məzhəbçilik çağırışlarının milli həmrəyliyə təsiri, habelə cəmiyyətdə tolerantlıq və konfessiyalararası harmoniyanın gücləndirilməsi məsələləri müzakirə ediləcək.
Eyni zamanda, “Azərbaycan nümunəsi: hüquqi dövlət və mənəvi dəyərlərin harmoniyası” və “İdeoloji təhdidlər və mübarizə metodları” mövzularında panellərdə fikir mübadiləsi aparılacaq.