Bakı. AzerVoice:
Qazaxıstan prezidenti Kasım-Jomart Tokayev Sinqapura dövlət səfəri çərçivəsində “Qazaxıstan və orta güclərin rolu: təhlükəsizliyin, sabitliyin və davamlı inkişafın təşviqi” mövzusunda mühazirə oxuyub.
AzerVoice xəbər verir ki, Tokayev 46-cı Sinqapur mühazirəsi ilə çıxış edib və burada qlobal təhlükəsizliyin, sabitliyin və davamlı inkişafın təmin edilməsində orta güclərin roluna dair baxışını ifadə edib.
"Li Kuan Yu-nun uzaqgörən rəhbərliyi altında həyata keçirilən diqqətəlayiq iqtisadi transformasiya uğurlu dövlət quruculuğu və iqtisadi inkişafın parlaq nümunəsinə çevrildi. Sinqapur Qazaxıstanı öz tərəqqi yolunu seçməyə ruhlandırır. Əlbəttə, Sinqapurda olduğum müddətdə əldə etdiyim əvəzsiz təcrübə bu sürətlə dəyişən dünyada Qazaxıstanın gələcəyi ilə bağlı baxışlarıma təsir etdi”, - deyə prezident Tokayev vurğulayıb.