BAKI,VOA, Nailə Babazadə

Suriyanın xarici işlər naziri Əsəd Həsən əş-Şeybani bazar ertəsi günü Livanın baş naziri Nəvaf Salam ilə telefon danışığında regional münaqişənin təhlükəsizliyə təsirini müzakirə edib.

VOA xəbər verir ki, Suriya Ərəb Xəbər Agentliyinin (SANA) məlumatına görə, əş-Şeybani davam edən regional gərginlik fonunda Suriya Ərəb Respublikasının Livana dəstəyini bir daha təsdiqləyib. Livan, fevral ayında ali lider Ayətullah Əli Xameneyinin ABŞ və İsrail tərəfindən öldürülməsinə qisas olaraq, martın əvvəlində İsrailə zərbələr endirən İranın dəstəklədiyi "Hizbullah" tərəfindən müharibəyə cəlb edilib.

SANA-nın xəbərinə görə, əş-Şeybani və Salam təhlükəsizliyi gücləndirmək və mövcud çağırışları həll etmək üçün iki ölkə arasında davamlı koordinasiyanın zəruriliyini vurğulayıblar. 2024-cü ilin dekabrında Bəşər Əsəd rejiminin devrilməsindən bəri iki ölkə arasında əməkdaşlıq artıb. Suriya və Livan rəsmiləri milli təhlükəsizliyi təhdid edən silah və narkotik qaçaqmalçılığı da daxil olmaqla, transsərhəd cinayətlərə qarşı mübarizəni davam etdirirlər.