Bakı, AzerVoice, Nailə Babazadə
Səudiyyə Ərəbistanına məxsus döyüş təyyarələri Yəmənin şərqində, Hadrəmavt vilayətində Birləşmiş Ərəb Əmirliklərini (BƏƏ) dəstəkləyən Cənub Keçid Şurası (GGK) qüvvələrini hədəf alıb.
AzerVoice xəbər verir ki, GGK-nın yüksək səviyyəli rəsmilərindən Məhəmməd Əbdülməlik Əl-Haşa bölgəsində yerləşən hərbi düşərgənin hədəfə alındığını bildirib.
Əbdülməlik qeyd edib ki, düşərgəyə yeddi hava zərbəsi endirilib və əlavə olaraq bir torpaq əməliyyatı da püskürtülüb. O, hücumlarda itkilərin və yaralanmaların baş verdiyini, lakin ölən və yaralananların sayının hələ dəqiqləşmədiyini bildirib.
Habərdə, bu son hücumun Səudiyyə Ərəbistanı ilə BƏƏ dəstəklədiyi qüvvələr arasındakı gərginliyin açıq silahlı qarşıdurmaya çevrildiyini göstərdiyi və bölgədəki həssas balansların daha da pozulduğu vurğulanıb.
Yəmənin BƏƏ tərəfindən dəstəklənən ayrılıqçı GGK qüvvələri 3 dekabrda Şərq vilayətlərini Suudi Ərəbistan və Oman sərhədlərinə qədər hərbi əməliyyatlarla nəzarət altına almışdı.
Səudiyyə Ərəbistanının rəhbərlik etdiyi Ərəb Koalisiyası 30 dekabr səhər Hadrəmavtda, GGK-nın nəzarətində olan Mukalla Limanında bəzi silah və döyüş vasitələrinin hədəf alındığını açıqlamışdı.
Koalisiya, Fucayra Limanından Mukalla Limanına silah daşıyan iki gəminin Ərəb Koalisiyası Komandanlığının razılığı olmadan gəldiyini qeyd etmişdi.
Bundan əlavə, Yəmən hökuməti 30 dekabrda BƏƏ ilə ölkədəki hərbi qüvvələrin yerləşdirilməsi üzrə ortaq müdafiə müqaviləsini ləğv etdiyini açıqlayıb.
Səudiyyə Ərəbistanı Xarici İşlər Nazirliyi isə Yəmənin tələbi əsasında BƏƏ-yə ölkə ərazisindəki hərbi personalını 24 saat ərzində çıxarmaq və heç bir tərəfə hərbi və ya maliyyə dəstəyi verməmək çağırışı edib.
Riyad rəhbərliyi, BƏƏ-nin Hadrəmavt və Mehra vilayətlərində, Suudi Ərəbistanın cənub sərhədlərinə yaxın bölgələrdə GGK-yə hərbi əməliyyatlar üçün yönəltdiyini bildirərək bu addımları "ölkənin milli təhlükəsizliyinə təhdid" kimi qiymətləndirib.
BƏƏ isə Səudiyyə Ərəbistanı ilə gərginlikdən sonra Yəməndə fəaliyyət göstərən “terrorla mübarizə” qruplarını öz təşəbbüsü ilə ləğv etdiyini açıqlayıb.