Bakı, AzerVoice
2024-cü ilin yanvar – sentyabr aylarında Türkiyənin Çinə kimyəvi məhsul ixracı ötən ilin eyni dövrü ilə müqayisədə 17,9faiz artaraq, 421,6 milyon dollara bərabər olub.
Bu barədə AzerVoice-a Türkiyə Ticarət Nazirliyindən bildiriblər.
“Bu ilin sentyabr ayında Türkiyə Çinə 54,4 milyon dollar məbləğində kimyəvi məhsul ixrac edib ki, bu da keçən ilin sentyabr ayı ilə müqayisədə 32,7 faiz azdır” – deyə nazirlikdən bildirilib.
Qeyd edək ki,2024-cü ilin yanvar-sentyabr aylarında Türkiyənin kimyəvi məhsul ixracı ötən ilin eyni dövrü ilə müqayisədə 4,2 faiz artaraq, 23 milyard 187 milyon dollara bərabər olub.
“Bu ilin sentyabr ayında Türkiyə 2 milyard 216 milyon dollar məbləğində kimyəvi məhsul ixrac edib ki, bu da keçən ilin sentyabr ayı ilə müqayisədə 20,1 faiz azdır” – deyə nazirlikdən bildirilib.
Qeyd olunub ki, son 12 ay ərzində (sentyabr 2023-sentyabr 2024) Türkiyə 31 milyard 419 milyon dollar məbləğində kimyəvi məhsul ixrac edib.