Bu gün UEFA Avropa Liqasında final oyunu keçiriləcək. Həlledici qarşılaşmada Almaniyanın “Frayburq” və İngiltərənin “Aston Villa” komandaları bir-birinə qarşı mübarizə aparacaq. İstanbul şəhərində baş tutacaq oyuna saat 23:00-da start veriləcək. Oyunun baş hakimi Fransanın Fransua Leteksye olacaq.

Mançester Yunaytedin keçmiş baş məşqçisi Ruben Amorim Portuqaliya klubu Benfikada yeni məşqçi təyinatı üçün ön plana çıxıb. Amorim daha əvvəl Sportinq ilə uğurlu nəticələr qazanaraq Portuqaliyada möhkəm nüfuz qazanıb. Mourinyonun Real Madridə keçəcəyi xəbəri klubda yeni kampaniya üçün Amorimin üstün namizəd kimi görülməsinə səbəb olub.

Xosep Qvardiola cari mövsümün sonunda Mançester Sitinin baş məşqçi postunu tərk edəcək.Qeyd edək ki, Qvardiola 2016-cı ildən Mançester Sitinin baş məşqçisidir. Onun rəhbərliyi altında komanda altı dəfə İngiltərə çempionu olub və tarixində ilk dəfə Çempionlar Liqasını qazanıb. Ümumilikdə isə Qvardiola “şəhərlilər” ilə 20 trofey qazanıb.

Beşiktaş klubunda baş katib Sərdal Adalı ilə baş məşqçi Sərgən Yalçın arasında kritik görüş başa çatıb və Yalçın vəzifəsindən istefa edib. Qeyd olunur ki, Beşiktaş Süper Liqa mövsümünü 4-cü yerdə başa vurub, hədəf kimi müəyyən edilmiş Türkiyə Kuboku isə yarımfinal mərhələsində başa çatıb.

Türkiyə Prezidenti Rəcəb Tayyib Ərdoğan Trendyol Süper Liqa 2025-2026 mövsümünün çempionu olan Qalatasaray Kulubunu qəbul edib. Qəbul zamanı Dursun Özbək Ərdoğana üzərində adı və “53” yazılmış Galatasaray formasını təqdim edib. Ziyarətdə həmçinin Gənclik və İdman Nazirliyi nümayəndələri və digər rəsmi şəxslər də iştirak ediblər

Mourinyonun Benfika ilə müqaviləsindəki bir bənd Real Madridə imkan verir ki, Liga Portugal mövsümünün başa çatmasından sonraki 10 gün ərzində hər iki tərəf müqaviləni üç milyon avro civarında ödənişlə ləğv edə bilsin. Portuqaliyalı məşqçi bildirib ki, bu müddəti düşünmək və analiz etmək üçün istifadə edəcək və əlavə olaraq Benfika tərəfindən təklif olunan müqaviləni də nəzərdən keçirir

FIFA rəsmiləri Iranın Dünya Kubokundakı iştirakı ilə bağlı İran Futbol Federasiyasının nümayəndələri ilə görüş keçirəcək. Görüşün əsas məqsədi İran millisinin turnirdə iştirak imkanları ilə bağlı narahatlıqları aradan qaldırmaq və federasiyaya təminat verməkdir.

Qətər Fondu (QF) və Basketbol Afrika Liqası (BAL) idman vasitəsilə sosial təsir yaratmaq və gəncləri gücləndirmək məqsədilə yeni strateji tərəfdaşlığa başladıqlarını elan ediblər. “The Peninsula Qatar”ın məlumatına görə, bu əməkdaşlıq çərçivəsində tərəflər təhsil, sağlam həyat tərzi və icmaların inkişafı sahələrində birgə layihələr həyata keçirəcəklər.

Dohada keçirilən 4-cü Körfəz Əməkdaşlıq Şurası (GCC) Oyunlarının ikinci günündə Qətər millisi 7 qızıl medal qazanaraq ümumi medalların sayını 29-a çatdırıb və liderlik mövqeyini möhkəmləndirib. Qalibiyyətlərin 5-i üzgüçülərin payına düşüb, həmçinin kişilərdən ibarət 3×3 basketbol komandası və konkur (atçılıq) yığması fəxri kürsünün ən yüksək pilləsinə qalxıb. Qılıncoynatma ustası Əli Oveyda isə rapirada komandasına daha bir qızıl qazandırıb.

Çərşənbə gecəsi keçirilən ilk “Səudiyyə Qadın Futbol Mükafatları 2026” (Saudi Women’s Football Awards) təkcə idman uğurlarını qeyd etmədi, həm də Krallıqda qadın futbolunun sürətli yüksəlişində həlledici bir məqam kimi tarixə düşdü. “Indivisa” brendi altında və “ROSHN Group”un təqdimatında baş tutan mərasimdə Səudiyyə idmanının yeni nəslini formalaşdıran oyunçular, rəhbərlər və pionerlər təltif olundular.

İraqın milli futbol komandası iyunun 11-dən iyulun 19-dək ABŞ, Kanada və Meksikada keçiriləcək 2026-cı il Dünya Çempionatına final hazırlıqları çərçivəsində İspaniyada təlim-məşq toplanışına hazırlaşır.

Qətər milli üzgüçülük komandası hazırda davam edən beynəlxalq turnirin ilk günündə böyük uğura imza ataraq üç qızıl medal qazanıb. “The Peninsula Qatar”ın məlumatına görə, Dohada keçirilən bu yarışlarda qətərli idmançılar müxtəlif kateqoriyalar üzrə rəqiblərini geridə qoyaraq fəxri kürsünün ən yüksək pilləsinə qalxıblar.