Qırğızıstanın milli komandası iyun ayı ərzində FIFA günləri çərçivəsində Fələstin milli komandası ilə iki yoldaşlıq oyunu keçirəcək. Bilet satışından əldə olunan gəlirin bir hissəsi Fələstin xalqına dəstək göstərmək üçün yönləndiriləcək.

UFC prezidenti Dana Uayt bildirib ki, Belə Evdə keçiriləcək UFC turnirində qadın döyüşçülər iştirak etməyəcək. O əlavə edib ki, turnirdə iştirak edəcək döyüşçülərin stres və qeyri-adi vəziyyətlərlə başa çıxmaq qabiliyyətinə malik olması vacibdir. Məsələn, döyüş gecəsi gec saatlarda gəldikdə, onlar ciddi təhlükəsizlik tədbirlərindən keçməli olacaqlar.

Dünya çempionu, futbol üzrə iki dəfə Avropa çempionu olan ispaniyalı Andres İniesta Birləşmiş Ərəb Əmirliklərinin “Gulf United” klubunun baş məşqçisi təyin edilib. 42 yaşlı İniesta İspaniyanın “Barcelona” klubunun yetirməsi olub və bu komandanın heyətində 2002–2018-ci illərdə çıxış edib. “Barcelona” ilə birgə o, İspaniyanın doqquz dəfə çempionu, ölkə kubokunun altı dəfə sahibi və Çempionlar Liqasının üç dəfə qalibi olub. Bundan əlavə, o, Yaponiya “Vissel Kobe” və BƏƏ “Emirates” klublarında da oynayıb.

4 ildən bir keçirilən dünya çempionatının tarixinə nəzər saldıqda, ən çox kart alan oyunçu argentinalı Havyer Maskerano olub. Maskeranodan sonra fransalı Zinedin Zidan, meksikalı Rafael Markes və braziliyalı Kafu 6 kartla bu siyahını davam etdirir. Zidan 12 oyunda 4 sarı və 2 qırmızı kart, Markes 19 oyunda 5 sarı və 1 qırmızı, Kafu isə 20 oyunda 6 sarı kart alıb. Kamerunlu Rigobert Song, argentinalı Diego Armando Maradona və avstraliyalı Tim Kahil isə 5 kartla bu oyunçuların ardınca gəlir.

"Real Madrid"in və Türkiyə millisinin futbolçusu Arda Gülər UEFA Çempionlar Liqasında 2025/26 mövsümünün ən yaxşı çıxış edən oyunçusu seçilib. Bildirilib ki, Arda Gülər xüsusilə liqa mərhələsində "Yuventus"a qarşı keçirilən oyunda komandasının qələbəsində əsas rol oynayıb. Onun yarımüdafiədə nümayiş etdirdiyi yaradıcılıq və oyuna nəzarət bacarığı həmin görüşdə "Matçın oyunçusu" mükafatını qazanmasına səbəb olub.

UEFA Çempionlar Liqasının 2025/2026 mövsümünün qalibi bu gün bəlli olacaq. Həlledici görüş Puskás Aréna stadionunda keçiriləcək. Matçın start fiti Bakı vaxtı ilə saat 20:00-da səslənəcək. Qarşılaşmanı Almaniyadan olan FIFA referisi Daniel Siebert idarə edəcək.

2026-cı ildə keçiriləcək futbol üzrə dünya çempionatı tarixdə ilk dəfə üç ölkənin – ABŞ, Kanada və Meksikanın birgə ev sahibliyi ilə baş tutacaq. Turnir həm iştirakçı sayı, həm stadion coğrafiyası, həm də oyun sayı baxımından dünya çempionatları tarixinin ən böyük yarışı olacaq. Beynəlxalq Futbol Federasiyasının təşkil etdiyi turnirdə ilk dəfə 48 milli komanda iştirak edəcək. Çempionat 2026-cı il iyunun 11-dən iyulun 19-dək davam edəcək və ümumilikdə 104 oyun keçiriləcək.

Argentina millisinin heyəti 2026-cı il dünya çempionatı üçün açıqlanıb və siyahıda Lionel Messinin də adı yer alıb. Beləliklə, turnirdə meydana çıxacağı təqdirdə Messi karyerasında altıncı dəfə dünya çempionatında iştirak etmiş olacaq və mundial tarixində ən çox iştirak edən futbolçu rekorduna sahib çıxacaq.

Vinisus Junyor Real Madrid-dəki gələcəyi ilə bağlı açıqlama verib və müqavilə məsələsinə tələsmədiyini bildirib. Vinisus bildirib ki, klub rəhbərliyi ilə qarşılıqlı etimad mövcuddur və tərəflər arasında münasibətlər yüksək səviyyədədir. O, həm özünün, həm də klubun sakit olduğunu vurğulayıb.

Bavariyanın hücumçusu Harri Keyn Almaniyanın Bundesliqa çempionatında 36 qol vuraraq mövsümün bombardiri olub və Qızıl Buts mükafatını qazanıb. Bavariya hücumçusu həmçinin klub üçün keçirdiyi 147 oyunda 146 qol vuraraq rekordunu davam etdirib. Keyn daha əvvəl 2023/2024 mövsümündə də 36 qolla Qızıl Buts mükafatını qazanmışdı.

Mançester Yunaytedin baş məşqçisi Maykl Karrik Portuqaliyalı kapitan Bruno Fernandesin klubda qalacağına tam əminliyini ifadə edib. Fernandes son gündə Braytona qarşı 3-0 qələbədə həm qol vurub, həm də assistlə komandasını Premyer Liqada üçüncü pilləyə və Çempionlar Liqasına qayıtmasına yönəldib.

İspaniya mətbuatında yayılan iddialara görə, Jose Mourinho mümkün Real Madrid dönüşü öncəsi artıq ilk transfer planlarını hazırlayıb. Bununla yanaşı, Mourinyonun yalnız heyətdə deyil, məşqçi korpusunda da dəyişikliklər etməyi düşündüyü iddia edilir. Məlumata əsasən, klubun sabiq ulduzu Toni Kroos məşqçilər heyətinə cəlb oluna biləcək namizədlərdən biri kimi nəzərdən keçirilir.