BAKI,VOA, Fərid Mikayılov
UEFA Çempionlar Liqasında vacib qarşılaşma öncəsi qalmaqal yaranıb.
VOA xəbər verir ki, Barselonanın baş məşqçisi Hans-Diter Flik Madrid Atletikosunun stadionundakı ot örtüyünün keyfiyyətindən narazılığını bildirib.
Məlumata əsasən, alman mütəxəssis şikayətini Çempionlar Liqasının nümayəndələrinə çatdırıb. Narazılığa səbəb Riyad Eyir Metropolitano stadionunun meydançasının vəziyyəti olub.
Qeyd olunub ki, məhz bu arenada komandalar arasında Çempionlar Liqasının 1/4 final mərhələsinin cavab oyunu keçiriləcək.
Bildirilib ki, ilk görüşdə Madrid təmsilçisi 2:0 hesablı qələbə qazanıb və qarşıdakı oyun yarımfinala vəsiqə qazanan komandanı müəyyən edəcək.