Bakı. AzerPress:
Türkiyə bu il rekord göstərici ilə Beynəlxalq Dəniz Təşkilatına (IMO) üzv olub.
AzerPress xəbər verir ki, bu sözləri Türkiyənin Nəqliyyat və infrastruktur naziri Abdulkadir Uraloğlu deyib.
“Türkiyə 1999-cu ildən ən yüksək səs sayına çataraq və 143 ölkənin dəstəyini qazanaraq ardıcıl 13-cü dəfə Beynəlxalq Dəniz Təşkilatının (IMO) şurasına üzv seçilib. Seçkilərdə aldığımız dəstək uğurlu siyasət və dənizçilik sahəsində beynəlxalq qaydalara uyğun olaraq atılan konkret addımlar, eləcə də IMO-nun işində fəal iştirakımızla bağlıdır”, - deyə o vurğulayıb.
Qeyd edək ki, Türkiyə ilk dəfə 1999-cu ildə Beynəlxalq Dəniz Təşkilatının şura üzvü seçilib.