Suriyanın Latakiya vilayətində keçirilən təhlükəsizlik əməliyyatı zamanı devrilmiş Bəşşar Əsəd rejiminin iki yüksək rütbəli zabiti — general-mayor Heysəm Bərakat və general-mayor Mərvan Bərakat saxlanılıb. Suriya Daxili Təhlükəsizlik Komandanlığının məlumatına görə, əməliyyat Qərdəha şəhərində həyata keçirilib. Saxlanılan şəxslərin terror və digər təhlükəsizliklə bağlı işlərdə iştirakı araşdırılır.