İordaniya Şərqi Qüdsdə Yunan Pravoslav Patriarxlığına məxsus torpaq sahəsinin ələ keçirilməsini pisləyib. Rəsmi Amman bunu beynəlxalq hüququn açıq şəkildə pozulması kimi qiymətləndirib. Xarici İşlər Nazirliyinin sözçüsü Fuad əl-Məcali İsrailin Qüds üzərində suverenliyə malik olmadığını bildirib. O, şəhərin tarixi və hüquqi statusunun dəyişdirilməsinə yönəlmiş addımların qəbuledilməz olduğunu vurğulayıb. İordaniya bölgədə sülhün yalnız müstəqil Fələstin dövlətinin yaradılması ilə mümkün olduğunu qeyd edib. Məlumata görə, əraziyə nəzarət bazar ertəsi günü ələ keçirilib. Hadisə zamanı ağaclar məhv edilib və avadanlıqlar götürülüb. Məsələ bölgədə yeni diplomatik reaksiyalara səbəb olub.