Qəzza Hökumətinin Media Ofisi atəşkəslə bağlı yeni statistika açıqlayıb. Məlumata görə, son 251 gün ərzində atəşkəs 3 338 dəfə pozulub. Bu hadisələr nəticəsində 1 012 nəfərin öldüyü, 3 208 nəfərin yaralandığı bildirilir. Eyni zamanda təxminən 100 nəfərin saxlanıldığı qeyd olunur. Qurum humanitar yardımların çatdırılmasında da ciddi çatışmazlıqların olduğunu açıqlayıb. Bildirilib ki, nəzərdə tutulan yardım maşınlarının yalnız üçdə bir hissəsindən bir qədər çoxu bölgəyə daxil olub. Rəsmilər bunun humanitar vəziyyəti ağırlaşdırdığını vurğulayırlar. Qəzzada vəziyyətin mürəkkəb olaraq qaldığı bildirilir.