ABŞ-də süzülmüş yoqurt istehsalı ilə tanınan Chobani qısa müddətdə dünyanın ən məşhur qida markalarından birinə çevrilib. Şirkət yüksək zülallı yunan tipli yoqurtları ilə bazarda inqilab yaradaraq ABŞ-də bu məhsul kateqoriyasının geniş yayılmasına səbəb olub. Sonradan fəaliyyət sahəsini genişləndirən şirkət bitki mənşəli məhsullar, yulaf əsaslı içkilər, qəlyanaltılar və soyuq qəhvə bazarına da daxil olub.