İran İnqilab Keşikçiləri Korpusu Qəzzada öldürülən HƏMAS komandirləri Məhəmməd Odeh və İzzəddin əl-Həddadı “şəhid” adlandıraraq İsrailə qarşı sərt bəyanat yayıb. SEPAH İsraili “uşaq qatili rejim” kimi xarakterizə edib və onun mövcud olduğu müddətdə Qərbi Asiyada davamlı sülhün mümkün olmayacağını bildirib. Analitiklər hesab edirlər ki, bu açıqlama regionda hərbi qarşıdurma ilə yanaşı ideoloji gərginliyin də dərinləşdiyini göstərir.

HƏMAS təşkilatı Qəzzada yeni təyin olunmuş hərbi rəhbəri Məhəmməd Odehin İsrail zərbəsi nəticəsində öldüyünü təsdiqləyib. Məlumata görə, hücum Qəzza şəhərində yaşayış binasını hədəf alıb. Hadisə bölgədə davam edən hərbi qarşıdurmalar fonunda baş verib.