ABŞ Prezidenti Donald Tramp Rusiya və Ukrayna arasında 9–11 may tarixlərini əhatə edən üçgünlük atəşkəsin tətbiq olunacağını açıqlayıb. Onun sözlərinə görə, təşəbbüs Qələbə Günü ilə bağlı irəli sürülüb və Vladimir Putin ilə Volodimir Zelenski tərəfindən razılaşdırılıb.

ABŞ Ədliyyə Nazirliyi və Əmtəə Fyuçersləri Ticarət Komissiyası Yaxın Şərqdəki müharibə ilə bağlı mühüm siyasi açıqlamalardan əvvəl həyata keçirilən şübhəli neft ticarəti əməliyyatlarını araşdırır. İddialara görə, bəzi treyderlər bazarın kəskin enişindən əvvəl neft qiymətlərinin düşəcəyinə milyardlarla dollar həcmində mərc ediblər. Araşdırma Donald Tramp və İranın xarici işlər naziri Abbas Əraqçinin açıqlamalarından öncə baş verən ən azı dörd iri əməliyyatı əhatə edir.

ABŞ Prezidenti Donald Trampın administrasiyasının mövqeyi bütün amerikalıların Ukrayna ilə bağlı fikirlərini əks etdirmir və Konqresdəki bir çox insan Kiyevi dəstəkləməyə davam edir.