18 dekabr 1865-ci ildə ABŞ Konstitusiyasına edilən 13-cü düzəlişin rəsmi qüvvəyə minməsi ilə ölkədə köləlik və məcburi əmək tam şəkildə qadağan olundu. Düzəlişdə bildirilirdi ki, “cinayətə görə qanuni cəza halları istisna olmaqla, ABŞ ərazisində və onun yurisdiksiyasına daxil olan hər hansı məkanda nə köləlik, nə də məcburi əmək mövcud ola bilməz”.

18 dekabr 2019-cu ildə ABŞ Konqresinin Nümayəndələr Palatası 45-ci prezident Donald Trampın impiçmentinə səs verdi. O, səlahiyyətdən sui-istifadə və Konqresin işinə mane olmaq ittihamları ilə impiçment olunan ABŞ tarixində üçüncü prezident oldu. Səsvermə əsasən partiya xətti üzrə keçdi: 230 lehinə, 197 əleyhinə, 1 bitərəf. Proses Trampın Ukrayna prezidenti Volodimir Zelenski ilə telefon danışığı ətrafında yaranan qalmaqaldan sonra başladı. Məlumatlara görə, Tramp ABŞ-ın Ukraynaya ayırdığı maliyyə yardımını dayandırmaqla hədələyərək, Co Baydenin oğlu Hanter Baydenlə bağlı araşdırma aparılmasını istəmişdi. Ağ Ev bu iddiaları rədd etdi.