Azərbaycan və Özbəkistan geoloji kəşfiyyat sahəsində yeni əməkdaşlıq sənədi imzalayıblar. Razılaşma Mikayıl Cabbarovun rəhbərlik etdiyi nümayəndə heyətinin Daşkəndə səfəri zamanı əldə olunub. Sənəd Azərbaycan–Özbəkistan Birgə Hökumətlərarası Komissiyasının 15-ci iclası çərçivəsində imzalanıb. Üçtərəfli birgə müəssisədə “AzerGold” QSC, “Uzbekgeologorazvedka” SC və Azərbaycan–Özbəkistan İnvestisiya Şirkəti iştirak edəcək. Layihə geoloji kəşfiyyat işlərinin aparılmasını və perspektivli yataqların araşdırılmasını nəzərdə tutur. Tərəflər həmçinin iqtisadi, energetika, nəqliyyat və kənd təsərrüfatı sahələrində əməkdaşlığın genişləndirilməsinə dair protokol da imzalayıblar. Yeni təşəbbüsün investisiya və dağ-mədən sənayesi üzrə tərəfdaşlığı gücləndirəcəyi bildirilir. Bu razılaşma Azərbaycan–Özbəkistan iqtisadi əməkdaşlığında növbəti mühüm addım hesab olunur.

Azərbaycan nümayəndə heyəti Özbəkistana işgüzar səfər edib. Səfər çərçivəsində Azərbaycan–Özbəkistan Birgə Hökumətlərarası Komissiyasının 15-ci iclası keçirilib. Tərəflər ticarət, investisiya, sənaye, energetika və nəqliyyat-logistika sahələrində əməkdaşlığın genişləndirilməsini müzakirə ediblər. Orta Dəhliz üzrə əməkdaşlığın və regional bağlantıların inkişafının əhəmiyyəti xüsusi vurğulanıb. İclasın yekununda Birgə Hökumətlərarası Komissiyanın Protokolu imzalanıb. Həmçinin geoloji kəşfiyyat sahəsində üçtərəfli birgə müəssisənin yaradılmasına dair sənəd qəbul edilib. Yeni layihənin Özbəkistanda perspektivli yataqların araşdırılmasını və investisiya imkanlarının artırılmasını hədəflədiyi bildirilib. Razılaşmaların iki ölkə arasında iqtisadi tərəfdaşlığı daha da gücləndirəcəyi gözlənilir.

"AzerGold" QSC fəaliyyətinin 10 ili ərzində geoloji kəşfiyyatdan hasilata, emaldan pərakəndə satışa qədər geniş fəaliyyət sahəsi formalaşdırıb. Şirkət bu müddətdə 558 mindən çox unsiya qızıl və 1 milyondan artıq unsiya gümüş hasil edib, satışlardan isə 2,2 milyard manatdan çox gəlir əldə edib. Son on ildə iki yeni qızıl yatağı kəşf olunub, dörd qızıl mədəni istifadəyə verilib və bir sıra strateji layihələrin təməli qoyulub. Hazırda Daşkəsən dəmir filizi, Söyüdlü qızıl və Filizçay polimetal yataqları şirkətin əsas inkişaf istiqamətləri hesab olunur. "AzerGold" beynəlxalq fəaliyyətini genişləndirərək Özbəkistanda da yeni layihələrin icrasına başlayıb. Şirkət sosial məsuliyyət, ekoloji təhlükəsizlik və insan kapitalının inkişafını da prioritet istiqamətlərdən biri kimi müəyyənləşdirib. Rəhbərlik qarşıdakı illərdə yeni layihələrin ölkə iqtisadiyyatına milyardlarla dollar töhfə verəcəyini və minlərlə yeni iş yerinin yaradılacağını bildirir.

“AzerGold” QSC Naxçıvan memarlıq məktəbinin banisi Əcəmi Naxçıvaninin zəngin irsinə həsr olunmuş gümüş xatirə sikkəsinin istehsalına start verib. “Şəhərsalma və Memarlıq İli” çərçivəsində hazırlanmış bu xüsusi buraxılış dahi memarın 900 illik yubileyinə həsr olunub. Sikkədə memarın və onun davamçılarının ərsəyə gətirdiyi tarixi tikililər təsvir olunub.

24 fevral 2026-cı il tarixində “AzerGold” QSC-nin təşəbbüsü və Kənd Təsərrüfatı Nazirliyi yanında Aqrar Xidmətlər Agentliyinin (AXA) dəstəyi ilə həyata keçirilən “Daşkəsən və Göygöl rayonlarında aqrar inkişafa dəstək” layihəsinin yekunlarına dair görüş keçirilib.

İstehsalat və idarəetmə proseslərinin optimallaşdırılması, əməliyyat səmərəliliyinin artırılması və innovativ texnologiyaların tətbiqini nəzərdə tutan Yol Xəritəsi dövlət başçısının 16 yanvar 2025-ci il tarixli Fərmanı ilə təsdiq edilmiş Azərbaycan Respublikasında Rəqəmsal İnkişaf Konsepsiyası sənədinin tələblərinə uyğun hazırlanıb.

11 fevral 2015-ci il tarixində Azərbaycan Respublikasının Prezidenti İlham Əliyevin Sərəncamı ilə “AzerGold” QSC-nin təsis edilməsi ölkəmizin dağ-mədən sənayesində yeni inkişaf mərhələsinin əsasını qoyub. Bu qərar filiz yataqlarının kəşfi və tədqiqi, qiymətli metalların hasilatı, emalı və satışının vahid dəyər zənciri üzrə təşkili, eləcə də Azərbaycan mədənçiliyinin institusional, texnoloji və idarəetmə baxımından müasirləşdirilməsi istiqamətində mühüm nəticələr verib.

Ölkəmizin milli dağ-mədən şirkəti “AzerGold” QSC-nin Azərbaycanın tarixi-mədəni irsini və nadir fauna növlərini əks etdirən qızıl və gümüş sikkələri ilk dəfə olaraq Berlin şəhərində keçirilən Ümumdünya Pul (Sikkə) Sərgisində nümayiş etdirilib. 3 günlük sərgi çərçivəsində təxminən 50 ölkədən milli zərbxanalar və mərkəzi banklar da daxil olmaqla 320-dən çox iştirakçı öz məhsul və xidmətlərini beynəlxalq ictimaiyyətə təqdim edib.

“AzerGold” QSC-nin Korporativ Sosial Məsuliyyət (KSM) Komitəsinin Daşkəsən şəhərində vətəndaşlarla ilin yekunlarına dair görüşü keçirilib. Görüşdə Daşkəsən Rayon İcra Hakimiyyətinin başçısı Orxan Abbasov, “AzerGold” QSC-nin İdarə Heyətinin üzvü – sədr müavini, QSC-nin KSM Komitəsinin sədri Xəyyam Fərzəliyev və “AzerGold” QSC-nin İdarə Heyətinin üzvü – sədr müavini, “Daşkəsən Dəmir Filiz” MMC-nin KSM Komitəsinin sədri İlqar Cəlilov iştirak edib.

“AzerGold” QSC müasir “Smartminting” texnologiyasını tətbiq etməklə üçölçülü və mürəkkəb dizaynlı sikkələrin istehsalına başlayıb. Bu texnologiya ilk dəfə Asiya qitəsində Ulu Öndər Heydər Əliyevin 100 illiyinə həsr olunan qızıl sikkənin hazırlanmasında istifadə edilib. Şirkətin 2025-ci ildə ümumi satışlarının həcmi 431 milyon manat təşkil edib. Fəaliyyət dövrü ərzində “AzerGold” ölkə iqtisadiyyatına 1,9 milyard manat vəsait cəlb edib.

“AzerGold” Qapalı Səhmdar Cəmiyyəti və Azərbaycan Respublikasının Medianın İnkişafı Agentliyi birgə təşkilatçılığı ilə “MEDİA Savadlılığı” Həftəsi çərçivəsində keçirilən “Kreativ Media - Bakı” adlı məzmun müsabiqəsinin mükafatlandırma mərasimi baş tutub. Müsabiqə çərçivəsində “Süni intellekt və etika: təhlükəsiz rəqəmsal cəmiyyət”, “Müxtəlif sənayelər üzrə etibarlı məlumatlandırmanın təmini: dağ-mədən sənayesi” və “Media savadlılığı sosial məsuliyyətlilik kontekstində” mövzuları üzrə hazırlanmış məqalələr dəyərləndirilib.

Dekabrın 12-də müasir Azərbaycan dövlətinin qurucusu, xalqımızın Ümummilli Lideri, görkəmli siyasi xadimi Heydər Əliyevin vəfatının 22-ci ildönümü ilə əlaqədar “AzerGold” QSC və onun törəmə şirkətləri - “Daşkəsən Dəmir Filiz” MMC və “AzerBlast” MMC-nin rəhbərliyi və kollektivi, eləcə də “R.V. Investment Group Services, LLC” şirkətinin nümayəndələri ilə birgə Fəxri Xiyabanı ziyarət ediblər.