Türkiyənin 81 vilayətində miqrant qaçaqmalçılığı və qeyri-qanuni miqrasiyaya qarşı keçirilən genişmiqyaslı əməliyyatlar nəticəsində 9-u xarici vətəndaş olmaqla 29 təşkilatçı saxlanılıb. Yoxlamalar zamanı 434 min 295 nəfərin kimlik məlumatları yoxlanılıb və 687 qeyri-qanuni miqrant müəyyən edilərək tutulub. Miqrasiya İdarəsinin koordinasiyası ilə Polis İdarəsinin Miqrant Qaçaqmalçılığı ilə Mübarizə Baş İdarəsi, Sərhəd Xidmətinin Miqrant Qaçaqmalçılığı və İnsan Alveri ilə Mübarizə Baş İdarəsi və Sahil Mühafizəsi Komandanlığı tərəfindən ictimai əyləncə məkanları, yük maşını qarajları, avtobus terminalları, limanlar və ictimai nəqliyyat dayanacaqlarında geniş yoxlamalar aparılıb. Ümumilikdə 15 min 334 obyekt nəzarət altına alınıb.

Dünən Türkiyə üzrə 81 vilayətdə eyni vaxtda miqrant qaçaqçılığı təşkilatçıları və qeyri-qanuni miqrantlara qarşı genişmiqyaslı əməliyyatlar keçirilib. Türkiyə Daxili İşlər Naziri Ali Yerlikaya bildirib ki, həyata keçirilən yoxlamalar zamanı 132-si xarici ölkə vətəndaşı olmaqla, ümumilikdə 169 qaçaqçılıq təşkilatçısı saxlanılıb. Eyni zamanda, 430,454 nəfərin şəxsiyyət yoxlanışı aparılmış və 783 qeyri-qanuni miqrant aşkar edilərək saxlanılıb.

ABŞ prezidenti Donald Trampın administrasiyası qeyri-qanuni miqrantların saxlanılması üçün hərbi bazalarda xüsusi obyektlərin yaradılması istiqamətində praktiki addımlar atmağa başlayıb. İlk belə mərkəzin Texas ştatının Meksika sərhədində yerləşən El Paso bölgəsindəki “Fort Bli” hərbi bazasında qurulması nəzərdə tutulur.

İşsizlik Rusiyada yenidən tarixi minimuma enib və hazırda bu göstərici cəmi 2,2 faiz təşkil edib. Müharibədən və pandemiyadan əvvəl bu rəqəm 4,6 faiz idi. Belə kəskin azalma - ölkədə kadr çatışmazlığının ən ağır mərhələyə keçdiyini göstərir. Hələ 2023-cü ildə Rusiya Mərkəzi Bankının sədri Elvira Nabiulina problemi “Rusiya iqtisadiyyatının əsas zəif nöqtəsi” adlandırmışdı.

Türkiyədə miqrant qaçaqmalçılığı və qeyri-qanuni miqrasiyaya qarşı keçirilən əməliyyatlar nəticəsində 22 nəfər həbs edilib. Bu barədə Türkiyənin Daxili İşlər naziri Ali Yerlikaya məlumat verib.

Türkiyənin Edirne vilayətində təhlükəsizlik qüvvələri şəhər üzrə həyata keçirilən yoxlamalar zamanı 18 qeyri-qanuni miqrantı xilas edib.

2024-cü ildə Türkiyəyə köç edənlərin sayı azalıb.

Kosovo ABŞ-dan deportasiya edilən 50 miqrantı qəbul edəcək.