“Müftəhul-Ərəbiyyə” (Ərəb dilinin açarı) verilişinin ilk buraxılışında studiyanın qonağı olan 23 illik təcrübəyə malik ərəb dili müəllimi, dosent İlkin Əlimuradov Azərbaycanda ərəb dilinin tədrisindəki mövcud mənzərəni, qarşıya çıxan çətinlikləri və bu sahədə formalaşan fobiyaları ətraflı şəkildə təhlil edib.
Cəmiyyət
Quba İş Adamlarına Dəstək (QİAD) Platformasının İdarə Heyəti və Müşahidə Şurasının üzvlərinin iştirakı ilə növbəti görüş keçirilib. Görüş zamanı platformanın yaxın dövr üçün nəzərdə tutulan fəaliyyət istiqamətləri, həyata keçirilməsi planlaşdırılan yeni layihələr və təşəbbüslər ətrafında geniş fikir mübadiləsi aparılıb.
Bakıda 26 İyun – Silahlı Qüvvələr Günü münasibətilə Azərbaycan və Türkiyə hərbi orkestrlərinin birgə konserti keçirilib. Müdafiə Nazirliyinin məlumatına görə, tədbir Fəvvarələr meydanında təşkil olunub. Konsert proqramında Heydər Əliyev adına Hərbi İnstitutun və Türkiyə Silahlı Qüvvələrinin Armoni orkestrləri çıxış ediblər. Tədbir Heydər Əliyevin, Mustafa Kamal Atatürkün və şəhidlərin xatirəsinin yad edilməsi ilə başlayıb. Ardınca Azərbaycan Respublikasının Dövlət Himni və Türkiyə Respublikasının İstiqlal Marşı səsləndirilib. Proqram çərçivəsində hərbi-vətənpərvərlik mahnıları, marşlar və tanınmış bəstəkarların əsərləri ifa olunub. Konsert şəhər sakinləri və paytaxtın qonaqları tərəfindən böyük maraqla izlənilib. Bayram tədbiri Azərbaycan ilə Türkiyə arasındakı qardaşlıq və hərbi əməkdaşlığın növbəti nümunəsi kimi dəyərləndirilib.
Xankəndi şəhərində 26 İyun– Azərbaycan Respublikasının Silahlı Qüvvələri Günü münasibətilə hərbi yürüş təşkil edilib.
ABŞ-nin Azərbaycandakı səfirliyi ABŞ və Türkiyə arasında 2026-cı il futbol üzrə dünya çempionatı matçına həsr olunmuş tədbir təşkil edib. "USA–Türkiye World Cup Watch Party" adlı tədbir Bakıda yerləşən "Landmark III" kompleksinin 22-ci mərtəbəsində keçirilib.
Qlobal smartfon bazarının lider istehsalçılarından olan Cənubi Koreyanın "Samsung" brendi, geniş istifadəçi kütləsi üçün nəzərdə tutulmuş və qiymət-performans balansı ilə seçilən populyar "Galaxy A" seriyasının növbəti yeni nümayəndəsini – "Samsung Galaxy A27 5G" modelini rəsmi olaraq ictimaiyyətə nümayiş etdirib. Orta səviyyəli mobil cihazlar seqmentində rəqabəti xeyli gücləndirəcək bu yeni smartfon, həm müasir beşinci nəsil şəbəkə (5G) dəstəyi, həm Qualcomm şirkətinin yeni prosessor arxitekturası, həm də süni intellekt əsaslı çoxsaylı proqram funksiyaları ilə diqqət çəkir.
Qanvermə aksiyası Azərbaycan Respublikasının Dini Qurumlarla İş üzrə Dövlət Komitəsi, Azərbaycan Respublikasının Səhiyyə Nazirliyi, Qafqaz Müsəlmanları İdarəsi, Gənclər Fondu, Tibbi Ərazi Bölmələrini İdarəetmə Birliyi, Respublika Qan Bankı, Azərbaycan İlahiyyat İnstitutu, Mənəvi Dəyərlərin Təbliği Fondu, Bakı İlahiyyat Kolleci, Azərbaycan Milli QHT Forumu, Azərbaycan Həmkarlar İttifaqları Konfederasiyası, Azərbaycan Qızıl Aypara Cəmiyyəti və Azərbaycan Könüllü Təşkilatları İttifaqının birgə təşkilatçılığı ilə keçirilir.
Vaşinqtonda ABŞ Konqres binasında Bakı Təşəbbüs Qrupunun təşkilatçılığı ilə “Qayıdış hüququ və öz müqəddəratını təyinetmə” mövzusunda beynəlxalq konfrans keçirilir. Tədbir etnik təmizləmə iddiaları, qayıdış hüququ və beynəlxalq hüquqi mexanizmlərlə bağlı məsələləri müzakirə edir. İştirakçılar Ermənistan ərazisində Azərbaycan irsinin məhv edilməsi iddialarını gündəmə gətirirlər. Konfransda BMT çərçivəsində monitorinq və faktaraşdırıcı missiyaların yaradılması imkanları müzakirə olunur. Tədbir beynəlxalq hüquq və dekolonizasiya mövzularını da əhatə edir.
Mədəniyyət naziri Adil Kərimli Özbəkistanın Namanqan şəhərində keçirilən III Beynəlxalq Məqam Sənəti Forumu çərçivəsində təşkil olunan konfransda çıxış edib. O, Azərbaycan muğamının milli-mədəni kimlikdə xüsusi yer tutduğunu bildirib. Nazir muğamın qorunması və inkişafının dövlət siyasətində prioritet olduğunu vurğulayıb. Prezident İlham Əliyevin mədəniyyət sahəsinə göstərdiyi diqqət xüsusi qeyd olunub. Mehriban Əliyevanın rəhbərliyi ilə Heydər Əliyev Fondunun layihələri yüksək qiymətləndirilib. Konfransda ənənə və innovasiya əlaqəsi müzakirə olunub.
Qərara əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2026-cı il 1 oktyabr saat 06:00-dək uzadılıb.
Dünya smartfon bazarında öz mövqeyini yenidən möhkəmləndirməyə çalışan və xüsusilə premium seqmentdə diqqət çəkən cihazlar istehsal edən Motorola brendi, yaxın günlərdə təqdim edəcəyi yeni flaqman modeli ilə rəqiblərini ciddi şəkildə təhdid etməyə hazırlaşır.
Mədəniyyət naziri Adil Kərimlinin rəhbərlik etdiyi Azərbaycan nümayəndə heyəti Özbəkistana səfərə başlayıb. Heyət Namanqan və Əndican şəhərlərində keçirilən beynəlxalq mədəni tədbirlərdə iştirak edəcək. Forum muğam sənətinin qorunmasına həsr olunub. Əndican “Türk dünyasının mədəniyyət paytaxtı 2026” kimi açılacaq. Səfər mədəni əməkdaşlığın gücləndirilməsi məqsədi daşıyır.