BAKI,AzerVoice

Azad olunmuş ərazilərdə içməli su təchizatı ilə bağlı işlər sürətlə davam edir.

AzerVoice xəbər verir ki, bunu Zabuxçay su anbarına təşkil edilən mediatur zamanı Azərbaycan Dövlət Su Ehtiyatları Agentliyinin rəsmisi İlham Quliyev deyib.

ADSEA rəsmisi qeyd edib ki, Füzuli şəhərinin xarici su təchizatı, kanalizasiya və yağış suları sistemlərinin yaradılması layihəsi üzrə 11.4 km magistral su xətti, müxtəlif diametrli borularla 4.4 km artezianlararası su xətti, 1.8 km kanalizasiya kollektor xətti çəkilib:

"Laçın rayonunun Zabux, Sus, Bəylik və Güləbird kəndlərinin su təchizatı və kanalizasiya sisteminin yaradılması layihəsi çərçivəsində 4.36 km magistral su xətti, 1 km kanalizasiya kollektor xətti, 1 ədəd S.T.Q.K-nin tikintisi-55%, 1 ədəd 2x500 m3 su anbarının tikintisi-80%, 1 ədəd 2x250 m3 su anbarının tikintisi-80%, 1 ədəd kanalizasiya nasos stansiyasının tikintisi-95% və 1 ədəd T.S.T.Q-nin tikintisi-65% icra olunub".

Onun sözlərinə görə, qeyd olunanlarla yanaşı Füzulidə 1 ədəd V=2x8500 m3 su anbarı-97% və 1 ədəd V=2x2500 m3 su anbarı -97% tikintisi, 6 ədəd subartezian quyusunun tikinti işləri icra olunub.