Bakı,AzerVoice
2023-cü ilin yanvar-dekabr aylarında Türkiyənin İslam Əməkdaşlıq Təşkilatına (İƏT) üzv olan ölkələrə ixracı 2022-ci ilin eyni dövrü ilə müqayisədə 2,8 faiz artaraq 66 milyard,103 milyon dollar olub.
Bu barədə AzerVoice-a Türkiyə Ticarət Nazirliyindən bildiriblər.
Məlumata əsasən keçən yanvar-dekabr aylarında, Türkiyənin İƏT-yə üzv olan ölkələrdən idxalı, 2022-ci ilin analoji dövri ilə müqayisədə 11,3 artaraq 44 milyard 843 milyon dollar olub.
“Keçən ilin dekabr ayında Türkiyənin İƏT-yə üzv olan ölkələrə ixracı 2022-ci ilin eyni dövrü ilə müqayisədə 6,9 faiz artaraq 6,5 milyard dollar olub. 2023-cü ilin dekabr ayında Türkiyənin İƏT-yə üzv olan ölkələrdən idxalı 2022-ci il ilin dekabrı ilə müqayisədə 0,7 fazi azalaraq, 3,1 milyard dollar olub” - deyə nazirlikdən bildiriblər.
Məlumat üçün bildirək ki, 2023-cü ilin yanvar-dekabr ayında Türkiyənin xarici ticarət dövriyyəsi 617 milyard 551 milyon dollara çatıb.
Türkiyənin ixracı 2022-ci ilin eyni dövrü ilə müqayisədə 0,6 faiz artaraq 255 milyard, 777 milyon dollara, idxalı isə 0,5 faiz azalaraq 361 milyard 774 milyon dollar olub.
Keçən ilin dekabr ayında Türrkiyənin xarici ticarət dövriyyəsi 52 milyard 39 milyon dollar təşkil edib. 2023-cü ilin dekabrında Türkiyənin ixracatı 2022-ci ilin eyni ayı ilə müqayisədə 0,4 faiz artaraq 23 milyard dollar, idxalatı isə, 11 faiz azalaraq 29 milayar 39 miloyn dollar təşkil edib.
