Azərbaycan Dövlət Neft Şirkəti (SOCAR) 2025-ci il üzrə fəaliyyətinin yekunlarına dair hesabatını yayıb.
AzerVoice xəbər verir ki, hesabat dövründə şirkət tərəfindən 66 min metr qazma işləri həyata keçirilib.
Hasilat göstəriciləri: Qaz hasilatında artım
SOCAR-ın müstəqil şəkildə və ya əsas payçı kimi istismar etdiyi yataqlardan 7,1 milyon ton neft və 7,8 milyard kubmetr qaz hasil olunub. Şirkət üzrə təbii qaz hasilatı 2024-cü illə müqayisədə 1,4% artıb. Ölkə üzrə ümumi qaz hasilatı isə 2,1% artaraq 51,5 milyard kubmetr təşkil edib. Ümumilikdə, ötən il Azərbaycanda 27,7 milyon ton neft hasil edilib.
İxrac və daxili istehlak
Hesabat dövründə SOCAR xarici bazarlara 16,1 milyon ton neft ixrac edib. Buraya həm şirkətin öz hasilatı, həm də beynəlxalq konsorsiumlardan dövlətə və SOCAR-a çatan mənfəət payları daxildir.
Qaz ixracı: 25,2 milyard kubmetr
Daxili qaz istehlakı: 13,2 milyard kubmetr (3,1% azalma)
Daxili istehlakın azalması elektrik enerjisi istehsalında bərpa olunan enerji mənbələrinin payının artması ilə əlaqələndirilir.
Emal və neft-kimya məhsulları
Ötən il SOCAR-ın emal göstəricilərində də artım müşahidə olunub:
Neft emalı: 6,2 milyon ton (7,2% artım)
Qaz emalı: 3 milyard kubmetr