Bakı, AzerVoice
2024-cü ilin yanvar-dekabr ayında Türkiyədə Özbəkistan kapitalı ilə 60 şirkət qeydiyyata alınıb ki, bu da 2023-cü ilin eyni dövrü ilə müqayisədə 35 şirkət azdır.
Bu barədə AzerVoice -ə Türkiyə Ticarət və Sənaye Palatasından (TOBB) məlumat verilib.
“Hesabat dövründə Türkiyədə qeydiyyata alınan Özbəkistan şirkətlərinin məcmu kapitalı 104 milyon 557 min türk lirəsi olduğu halda, 2023-cü ilin eyni dövründə bu rəqəm 72 milyon 540 min türk lirəsi təşkil edib”, – deyə TOBB-dan bildirilib.
Qurumdan o da qeyd olunub ki, 2024-cü ilin yanvar-dekabr ayında Özbəkistan şirkətlərinin əksəriyyəti İstanbulda (52) qeydiyyata alınıb.
“İstanbulda qeydiyyatdan keçən Özbəkistan şirkətlərinin ümumi kapitalı 89 milyon 812 min türk lirəsi təşkil edib”, – deyə TOBB-dan qeyd edilib.
Məlumata əsasən, 2024-cü ilin yanvar-dekabr ayında Türkiyədə Özbəkistan kapitalı ilə 26 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.