ABŞ prezidenti Donald Tramp İranı təslim olmağa çağırıb. O, İranın “ağ bayraq qaldırmalı” olduğunu bildirib. Tramp bu açıqlamanı “Foks Nyus” telekanalına müsahibəsində verib. ABŞ prezidenti administrasiyasının İran İslam İnqilab Keşikçiləri Korpusu ilə birbaşa gizli əlaqə kanalı yaratdığını açıqlayıb. O, münaqişənin başa çatdırılması üçün üzərində təzyiq olmadığını bildirib. Tramp İranın İnqilab Keşikçiləri Korpusunun “yaxşı poker oyunçuları” olduğunu deyib. Bununla yanaşı, onların ağır itkilər verdiyini iddia edib. ABŞ prezidenti münaqişənin nə vaxt başa çatacağı ilə bağlı konkret vaxt çərçivəsinin olmadığını və tələsmədiyini vurğulayıb.