Hindistan Xarici İşlər Nazirliyi ABŞ və İran arasında Hörmüz boğazında baş verən son gərginlikdən ciddi narahat olduğunu açıqlayıb. Nazirlik bütün tərəfləri təmkinli davranmağa çağırıb. Açıqlamada gərginliyin azaldılması və mülki şəxslərin qorunmasının vacibliyi vurğulanıb. Hindistan enerji təchizatının və ticarət axınının fasiləsiz davam etməli olduğunu bildirib. Nazirlik son hücumların bölgədə sülh və sabitliyi poza biləcəyini qeyd edib. Yeni qarşıdurmanın regional təhlükəsizlik üçün ciddi risklər yaratdığı bildirilib. Hindistan tərəfləri vəziyyətin daha da ağırlaşmasına yol verməməyə çağırıb.