Qəzzanın İdarə Olunması üzrə Milli Komitə bölgədə idarəetmə məsuliyyətini öz üzərinə götürməyə hazır olduğunu açıqlayıb. Komitə sədri Əli Şaat bildirib ki, bunun üçün zəruri şərait və imkanlar yaradılmalıdır. Məlumata görə, qurum müharibədən sonrakı dövrdə Qəzzada mülki xidmətlərin və inzibati idarəetmənin təmin olunmasına cavabdeh olacaq. Komitə Birləşmiş Millətlər Təşkilatının Təhlükəsizlik Şurasının 2803 saylı qətnaməsi əsasında yaradılıb. O, Qəzza Sülh Şurasına hesabat verir və onun tərəfindən formalaşdırılır. Açıqlama Fövqəladə Hallar Komitəsinin fəaliyyətini dayandıracağını elan etməsindən sonra verilib. Yeni idarəetmə modelinin bölgədə mülki xidmətlərin davamlılığını təmin etməsi gözlənilir. Qəzzada idarəetmə prosesinin növbəti mərhələsi diqqətlə izlənilir.