Tarixi kökləri rəsmi olaraq 1951-ci ilə qədər uzanan və tamölçülü idman-yolsuzluq avtomobilləri seqmentində əfsanəyə çevrilən "Nissan Patrol" modelinin yeddinci nəsli (Y63) təqdim olunub. Öz tarixi keçmişi və missiyası ilə "Toyota Land Cruiser" modelinin ən birbaşa rəqibi sayılan bu nəhəng SUV, bəzi mühafizəkar mühərrik seçimləri və vizual dizayn dili ilə avtomobil dünyasında ciddi müzakirələrə səbəb olub.