Bu gün Bakıda Ümumdünya Şəhərsalma Forumunun 13-cü sessiyasının (WUF13) açılışı keçirilir.Forumun əsas tədbirləri Bakı Olimpiya Stadionunda təşkil olunacaq. Mayın 22-dək davam edəcək WUF13 BMT-nin Məskunlaşma Proqramı (UN-Habitat) və Azərbaycan hökumətinin birgə təşkilatçılığı ilə baş tutur. Dünyanın ən nüfuzlu urbanizasiya platformalarından hesab olunan forum Bakını qlobal şəhərsalma və dayanıqlı inkişaf müzakirələrinin mərkəzinə çevirəcək. Tədbirə 182 ölkədən 40 mindən artıq iştirakçının qeydiyyatdan keçməsi WUF tarixində ən yüksək göstəricilərdən biri kimi dəyərləndirilir.