“Balkan” gəmiqayırma və təmir zavodunda inşa edilən “Gadamlı” adlı ilk quru yük gəmisi rəsmi mərasimdən sonra ilk səfərinə yola salınıb. Bildirilib ki, “Gadamlı” beynəlxalq standartlara uyğun şəkildə inşa olunub. Gəminin yükdaşıma qabiliyyəti 6 min 100 ton təşkil edir. Müasir naviqasiya və yüksək texnologiyalı avadanlıqlarla təchiz olunan gəmidə 14 nəfərlik peşəkar heyət xidmət göstərir.