Almaniya Silahlı Qüvvələrində xidmət edən şəxslərin sayı 186 min 700-ə çataraq son 13 ilin ən yüksək səviyyəsinə yüksəlib. Almaniya Müdafiə Nazirliyinin məlumatına görə, iyulun sonuna orduda xidmət edən hərbçi və mülki heyətin sayı ötən illə müqayisədə təxminən 2 faiz artıb. Nazirlik bu göstəricinin 186-190 min nəfərlik hədəf diapazonuna daxil olduğunu açıqlayıb.

Vaşinqtonun Almaniyadakı hərbi varlığını azaltmaq və minlərlə əsgərini geri çəkmək qərarı Avropanın təhlükəsizlik mühitində ciddi suallar yaradıb. Bu addım təkcə ikitərəfli münasibətlərə deyil, həm də NATO-nun gələcək fəaliyyətinə təsir edə biləcək fundamental bir dəyişiklik kimi qiymətləndirilir.