Səudiyyə Ərəbistanı 2026-cı ilin 22–23 aprel tarixlərində Dünya İqtisadi Forumunun “Qlobal Əməkdaşlıq və Artım” mövzusunda yüksək səviyyəli beynəlxalq toplantısına ev sahibliyi edəcək. “Ortaq zəminin qurulması və artımın canlandırılması” şüarı ilə keçiriləcək toplantı Ciddə şəhərində baş tutacaq. Bu barədə qərar İsveçrənin Davos şəhərində keçirilən Dünya İqtisadi Forumunun 56-cı illik toplantısının bağlanış günündə açıqlanıb.