Portuqaliya millisinin baş məşqçi postuna 2026-cı il Dünya Kubokundan sonra Joze Mourinyonun namizəd göstəriləcəyi gözlənilir. Mediada yayılan məlumatlara görə, Portuqaliya Futbol Federasiyası ABŞ, Kanada və Meksikada keçiriləcək 2026 Dünya Kubokunun ardından hazırkı baş məşqçi Roberto Martinesin müqaviləsinin başa çatması fonunda bu posta Joze Mourinyonu dəvət etməyi planlaşdırır.

“Real Madrid” futbol klubu ilə iki dəfə Avropa Çempionlar Kubokunun (hazırkı Çempionlar Liqası) qalibi olmuş ispaniyalı keçmiş futbolçu Manolin Bueno 86 yaşında vəfat edib. Bu barədə klubun rəsmi saytında məlumat yayıb.

Barselonanın gənc ulduzu Lamin Yamal klubdakı gələcəyi ilə bağlı diqqətçəkən açıqlama verib. La Masia akademiyasının yetirməsi olan 18 yaşlı hücumçu Kamp Nounu heç vaxt tərk etməmək arzusunda olduğunu vurğulayıb. Yamal bildirib ki, dünyanın ən yaxşı klubu və ən gözəl şəhəri hesab etdiyi Barselonada “əbədi qalmaq” istəyir.

Avropa futbolunun iki tanınmış siması, Pep Qvardiola və Joze Mourinyo bu dəfə dolayısı ilə eyni uğurun tərəfdaşına çevrilib. 2025/26 mövsümündə Çempionlar Liqasında Mançester Sitinin birbaşa 1/8 final mərhələsinə vəsiqə qazanmasında Benfikanın son saniyələrdə vurduğu həlledici qol mühüm rol oynayıb. Lakin yekun mövqe Benfika - Real Madrid qarşılaşmasının nəticəsindən asılı olub.

Qarabağ futbol klubu son illərdə təkcə Azərbaycanın deyil, bütövlükdə region futbolunun ən stabil və uğurlu klublarından biridir. Lakin 2025/26 mövsümü Ağdam təmsilçisi üçün sadəcə növbəti uğur deyil, Azərbaycan futbol tarixində yeni bir mərhələnin başlanğıcı oldu. Qarabağın Avropa arenasındakı yüksəlişi təsadüfi deyil. Klub uzun illərdir eyni oyun fəlsəfəsinə, eyni idarəetmə modelinə və ən əsası Qurban Qurbanov faktoruna söykənir. Baş məşqçinin rəhbərliyi altında Qarabağ əvvəlcə Avropa Liqasında, daha sonra Konfrans Liqasında qazandığı təcrübəni bu mövsüm Çempionlar Liqası səviyyəsinə daşıya bildi.

Kilan Mbappé Çempionlar Liqasında rekorda imza atıb. "Real"ın hücumçusu "Benfika" ilə oyunda 30-cu dəqiqədə hesabı açıb. Bu, onun cari mövsümdəki 12-ci qolu olub.

Azərbaycan çempionu “Qarabağ” bu gün növbəti avrokubok oyununu keçirəcək. Oyunu slovakiyalı FIFA referisi İvan Krujlyak idarə edəcək. Ona köməkçi hakimlər kimi Branislav Hançko və Yan Pozor yardım edəcəklər. Dördüncü hakim funksiyasını Peter Kraloviç yerinə yetirəcək. VAR-da niderlandlı Pol van Boekel, AVAR-da isə belçikalı Yan Boterberq çalışacaq.

Çelsi klubu Kol Palmerin gələcəyi ilə bağlı yayılan iddialara qəti mövqe sərgiləyib. Palmer Çelsi üçün toxunulmaz futbolçu hesab olunur və klub onunla bağlı heç bir transfer təklifini nəzərdən keçirməyi planlaşdırmır. Çelsi gənc futbolçunun uzun illər komandanın əsas sütunlarından biri olacağına inanır.

“Ayntraxt Frankfurt”un prezidenti Matias Bek komandanın azarkeşlərinin son oyunlardakı davranışlarını sərt tənqid edib. Bek “Spiegel” nəşrinə açıqlamasında Köln və Barselonada keçirilən səfər oyunlarında baş verən insidentlərin klub üçün ciddi ziyan yaratdığını və bir sıra cəzalarla nəticələndiyini bildirib.

Azərbaycanın xarici işlər naziri Ceyhun Bayramov və onu müşayiət edən nümayəndə heyəti İtaliyaya rəsmi səfəri çərçivəsində Neapolda UEFA Çempionlar Liqasının əsas mərhələsinin V turu çərçivəsində keçirilən "Napoli" – "Qarabağ" matçına stadiondan baxıblar. Paylaşımda qeyd olunub ki, bu an Azərbaycanın Avropa futbolunda güclü mövqeyini və milli komandamızın beynəlxalq səviyyədə dəstəkləndiyini göstərən qürurverici bir hadisə olub.

Çempionlar Liqasının 5-ci turunun Napoli - Qarabağ görüşünə biletlər artıq satışa çıxarılıb. Biletlərin qiyməti 25 avrodan 165 avroya (təxminən 49 manatdan 324 manata qədər) dəyişir. Qeyd edək ki, 4 turdan sonra Qarabağ 7 xalla 15-ci, Napoli 4 xalla 24-cü pillədədir.

Napolinin baş məşqçisi Antonio Konte klubu tərk edə bilər. Mütəxəssisin gedişi ilə bağlı qərar onun klub prezidenti Aurelio De Laurentisin görüşündən sonra qəbul oluna bilər. Xatırladaq ki, Qarabağ Çempionlar Liqasının Liqa mərhələsində növbəti oyununu səfərdə Napoliyə qarşı keçirəcək.