Yeni İngiltərə koloniyaları separatçılar və puritanlar tərəfindən qurulmuşdu. Separatçılar - Anglikan kilsəsindən ayrılmanı müdafiə edənlər, puritanlar isə - Anglikan kilsəsini katolik təsirlərindən “təmizləməyə” çalışanlardı. Orta və Cənub koloniyalarının əksəriyyəti isə anglikanlar, kvakerlər və bəzi hallarda, məsələn, Merilenddə olduğu kimi, katoliklər və qeyri-konformist protestantlar tərəfindən yaradılmışdı.