ABŞ Tayvana raketlər və pilotsuz uçuş aparatları (PUA) daxil olmaqla, ümumi dəyəri 10 milyard dollardan artıq olan silah satış paketini açıqlayıb. ABŞ Dövlət Departamenti Tayvana silah satışına dair qərarı prezident Donald Trampın “Millətə müraciət” çıxışı zamanı elan edib. Məlumata görə, paketə 82 ədəd HIMARS raket sistemi, 420 ədəd ATACMS (Quru Taktiki Raket Sistemi), 60 ədəd haubitsa sistemi, bu silahlara aid avadanlıqlar, eləcə də pilotsuz uçuş aparatları daxildir.