Nəqliyyat və İnfrastruktur naziri Matteo Salvini layihənin uzun illər davam edən müzakirələrdən sonra təsdiqləndiyini bildirib. 3,3 kilometr uzunluğa malik olacaq körpü ortada iki dəmir yolu xətti və hər iki istiqamətdə üç avtomobil zolağı ilə layihələndirilib. Qeyd edək ki, 400 metr hündürlükdəki iki qüllə arasında salınacaq körpünün 2032-ci ildə istifadəyə verilməsi planlaşdırılır. Layihənin güclü küləklərə və zəlzələlərə tab gətirəcək müasir mühəndislik texnologiyaları ilə inşa ediləcəyi vurğulanır. Körpünün regionda iqtisadi artım, məşğulluq və infrastruktur inkişafına mühüm töhfə verəcəyi gözlənilir.